2024-02-13 11:36:38, 823 ნახვა
პოლიტიკა
ერგნეთში ინციდენტების პრევენციისა და მათზე რეაგირების მექანიზმის მორიგი შეხვედრა მიმდინარეობს
ერგნეთში ინციდენტების პრევენციისა და მათზე რეაგირების მექანიზმის შეხვედრა მიმდინარეობს.
სახელმწიფო უსაფრთხოების სამსახურის წარმომადგენელის, ირაკლი ანთაძის განცხადებით, შეხვედრაზე განხილვის მთავარი თემა თამაზ გინტურის მკვლელობისა და საოკუპაციო ძალების მიერ უკანონოდ დაკავებული საქართველოს მოქალაქეების გათავისუფლების საკითხები იქნება.
"ბუნებრივია, თამაზ გინტურის მკვლელობის საკითხი იქნება დღევანდელ შეხვედრაზე განხილვის საგანი, ვინაიდან გვსურს მოვისმინოთ, რა ღონისძიებები გატარდა მკვლელების მიმართ, ასევე, მთავარი საკითხი იქნება უკანონო პატიმრობაში მყოფი ჩვენი თანამოქალაქეების გათავისუფლების საკითხი, ასევე განვიხილავთ ბორდერიზაციის ფაქტებს, რომლებიც დაფიქსირდა მიმდინარე წლის განმავლობაში",- აცხადებს ანთაძე.
ავტორი: ექსპრესნიუსი,
epn.ge (@expressnews.ge)
