გველოდება ძალიან ინტენსიური წელი, ბევრი ამოცანა გვაქვს შესასრულებელი. გვქონდა ინტენსიური განხილვები პარლამენტში, სადაც ვსაუბრობდით მიმდინარე წელს შესასრულებელი გეგმებისა და ამოცანების შესახებ, გავაცანით სამთავრობო პროგრამის ის ნაწილი, რომელიც 2024 წლის პრიორიტეტებს უკავშირდება და შესაბამისად, ძალიან მაღალ დონეზე, კოორდინირებული მუშაობაა საჭირო ამ მიზნების მისაღწევად, - ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა მთავრობის სხდომის დასრულების შემდეგ განაცხადა.

ლევან დავითაშვილმა საქართველოს პრემიერ-მინისტრს, ირაკლი კობახიძეს და კოლეგებს დაკავებულ თანამდებობებზე დანიშვნა მიულოცა და მომავალ საქმიანობაში წარმატება უსურვა.

„დავგეგმეთ ძირითადი სამუშაო მიმართულებები და პრინციპები, რომელზეც ვიმუშავებთ ინტენსიურად, ახალი შემადგენლობით. ასევე ვისაუბრეთ მეტ ანგარიშვალდებულებაზე, რომელიც პრემიერ-მინისტრის ერთ-ერთი მნიშვნელოვანი მესიჯი იყო საზოგადოების მიმართ. ამ ანგარიშვალდებულებასთან ერთად ვისაუბრეთ გამჭვირვალობაზე, რომელიც, რა თქმა უნდა, თითოეული სამინისტროსთვის აქამდეც იყო მნიშვნელოვანი პრიორიტეტი და ეს ასევე იქნება პრიორიტეტული, მათ შორის, რა თქმა უნდა, მედიასთან ურთიერთობაც იქნება ინტენსიური", - განაცხადა დავითაშვილმა.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”