2024-02-08 17:58:14, 950 ნახვა
მსოფლიო
წინასწარი მონაცემებით, ილჰამ ალიევმა აზერბაიჯანის საპრეზიდენტო არჩევნებში 92,05%-ით გაიმარჯვა
აზერბაიჯანის ცენტრალური საარჩევნო კომისიის თავმჯდომარემ, მაზაჰირ ფანაჰოვმა საპრეზიდენტო არჩევნების წინასწარი შედეგების თაობაზე პრესკონფერენცია გამართა. ამის შესახებ ინფორმაციას აზერბაიჯანული მედია ავრცელებს.
როგორც ცესკოს თავმჯდომარემ განაცხადა, 6 537 საარჩევნო უბნიდან 6 102-ის შედეგები უკვე დაითვალეს, რაც საერთო რაოდენობის 93,35%-ს შეადგენს.
ოქმების მიხედვით, დათვლილი ხმების რაოდენობამ 4 651 473 შეადგინა, საიდანაც 4 281 625 ხმა (92,05%) ილჰამ ალიევმა აიღო.
ავტორი: ექსპრესნიუსი,
epn.ge (@expressnews.ge)
