აჭარის მთავრობის თავმჯდომარე, თორნიკე რიჟვაძე აჭარის სპორტის დეპარტამენტის წლის შემაჯამებელ ღონისძიებას დაესწრო. აღნიშნულის შესახებ ინფორმაციას აჭარის მთავრობა ავრცელებს.

მათი ცნობით, ღონისძიების ფარგლებში, სხვადასხვა ნომინაციაში დაჯილდოვდნენ ის სპორტსმენები, რომლებმაც როგორც საქართველოს, ასევე ევროპისა და მსოფლიო ჩემპიონატებზე საპრიზო ადგილები დაიკავეს. ასევე, დაჯილდოვდნენ მწვრთნელები და სპორტული ჟურნალისტები.
 
„აჭარის ყველა მუნიციპალიტეტში იზრდება სპორტის განვითარების ხელშეწყობის და პოპულარიზაციის პროგრამების დაფინანსება. გრძელდება სპორტული ინფრასტრუქტურის გაუმჯობესება და სპორტსმენების ხელშეწყობა. მსოფლიო და ოლიმპიურ ჩემპიონატებში გამარჯვებული და საპრიზო ადგილზე გასული სპორტსმენების, ასევე, მათი მწვრთნელების საპრიზო თანხა მნიშვნელოვნად გაიზარდა და 1 მილიონ ლარს გადააჭარბა.
 
დაჯილდოების ფარგლებში 100-მდე წარმატებული სპორტსმენი გამოვლინდა ბერძნულ-რომაული, ძიუდოს, პარა-კარატეს, მკლავჭიდის და სხვა მიმართულებებით.
 
ღონისძიებას აჭარის განათლების, კულტურისა და სპორტის მინისტრი, სპორტის დეპარტამენტის ხელმძღვანელი, ადგილობრივი ხელისუფლების წევრები, სპორტსმენები და მწვრთნელები ესწრებოდნენ“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები