2023-12-26 10:14:12, 1377 ნახვა
ომი უკრაინაში
უკრაინის საჰაერო ძალები - რუსეთის მიერ გაშვებული 19 დრონიდან 13 გავანადგურეთ
უკრაინამ, 25 დეკემბრის ღამეს, რუსეთის მიერ გაშვებული 13 დრონი გაანადგურა. ამის შესახებ ინფორმაციას უკრაინის შეიარაღებული ძალების საჰაერო ძალები Telegram-ზე ავრცელებს.
საჰაერო ძალების ცნობით, უპილოტო საფრენი აპარატებისა და რაკეტების გაშვება პრიმორსკო-ახტარსკის რეგიონიდან დაფიქსირდა.
"25 დეკემბრის 18:30 საათიდან 26 დეკემბრის 03:00 საათამდე მტერმა უკრაინას სამხრეთ-აღმოსავლეთიდან Shahed-ის ტიპის უპილოტო საფრენი აპარატებით შეუტია.
საერთო ჯამში, რუსეთის ფედერაციის ტერიტორიიდან, კერძოდ, პრიმორსკო-ახტარსკის რეგიონიდან 19 დრონის გაშვება დაფიქსირდა", - აღნიშნულია ინფორმაციაში.
ავტორი: ექსპრესნიუსი,
epn.ge (@expressnews.ge)
