„ქართული ოცნების“ კომუნიკაციების დეპარტამენტი - რადიკალური ოპოზიციის ბოტები, მათი ტროლგვერდები ყალბ ბანერს და ციტატას ავრცელებენ, თითქოს ირაკლი კობახიძე ემიგრანტებს შეურაცხყოფას აყენებს

2023-12-12 16:14:51, 717 ნახვა

პოლიტიკა

რადიკალური ოპოზიციის ბოტები, აგრესიული აქტივისტები და მათი ტროლგვერდები ყალბ ბანერს და ყალბ ციტატას ავრცელებენ, თითქოს ირაკლი კობახიძე საზღვარგარეთ წასულ ემიგრანტებს შეურაცხყოფას აყენებს,- ამის შესახებ ნათქვამია განცხადებაში, რომელსაც „ქართული ოცნების“ კომუნიკაციების დეპარტამენტის Facebook-გვერდი - „სინამდვილეში“ ავრცელებს.

როგორც გვერდის განცხადებაშია აღნიშნული, "რადიკალური ოპოზიციის წარმომადგენლების მიერ სოციალურ ქსელში გავრცელებული ბანერები - საზღვარგარეთ გარბის ისეთი ხალხი, ვინც დაბალი განათლებისაა, არც პროფესია არ აქვს - დეზინფორმაციული ხასიათისაა და ირაკლი კობახიძეს მსგავსი სახის განცხადება ემიგრანტებთან დაკავშირებით, არასდროს გაუკეთებია".

"რადიკალური ოპოზიციის ბოტები, აგრესიული აქტივისტები და მათი ტროლგვერდები ყალბ ბანერს და ყალბ ციტატას ავრცელებენ, თითქოს ირაკლი კობახიძე საზღვარგარეთ წასულ ემიგრანტებს შეურაცხყოფას აყენებს.

სინამდვილეში, აღნიშნული ბანერი და შესაბამისად, ციტატა არის დეზინფორმაცია. მმართველი პარტიის თავმჯდომარეს მსგავსი განცხადება არასოდეს გაუკეთებია!"- აღნიშნულია განცხადებაში.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),