2023-11-17 16:43:01, 790 ნახვა
პოლიტიკა
პარლამენტის სხდომაზე, სადაც იუსტიციის მინისტრს უსმენენ, ხმაური და დაპირისპირება იყო [ვიდეო]
პარლამენტის სხდომაზე, სადაც მინისტრის საათის ფორმატში იუსტიციის მინისტრს, რატი ბრეგაძეს უსმენენ ხმაური და სიტყვიერი დაპირისპირება იყო.
"ქართული ოცნების" დეპუტატმა, ლევან მგალობლიშვილმა ფრაქცია „ერთიანი ნაციონალური მოძრაობის“ თავმჯდომარეს თინა ბოკუჩავას სიტყვიერი შეურაცხყოფა მიაყენა, ხოლო "ერთიანი ნაციონალური მოძრაობის" წარმომადგენელს, ანა წითლიძეს მიკროფონი მოუქნია.
აღსანიშნავია, რომ დაპირისპირება იუსტიციის მინისტრის, რატი ბრეგაძის სიტყვით გამოსვლას მოჰყვა, როდესაც ის საქართველოს მესამე პრეზიდენტის, მიხეილ სააკაშვილთან დაკავშირებით სტრასბურგის გადაწყვეტილებაზე საუბრობდა.
აღნიშნულის შემდეგ სხდომათა დაბრაზში ტექნიკური შესვენება გამოცხადდა, ლევან მგალობლიშვილს კი დარბაზი დაატოვებინეს.
ავტორი: ექსპრესნიუსი,
epn.ge (@expressnews.ge)
