ჩინეთის პრეზიდენტი სი ძინპინი ამერიკის შეერთებულ შტატებშია. როგორც Reuters-ი წერს, სახალხო რესპუბლიკის ლიდერმა შეერთებულ შტატებში, ბოლო 6 წლის განმავლობაში პირველი ვიზიტი დაიწყო მას შემდეგ, რაც ქვეყნის პრეზიდენტმა, ჯო ბაიდენმა განაცხადა, რომ მის მიზნებში პეკინთან ნორმალური კომუნიკაციის აღდგენა შედის.

გამოცემის ცნობით, 2017 წლის შემდეგ აშშ-ში პირველად მყოფი სი ძინპინი ჯო ბაიდენს ოთხშაბათს, დილის საათებში, სან-ფრანცისკოს ყურის ზონაში შეხვდება. 

ასევე ცნობილია, რომ ბაიდენთან აუდიენციის შემდეგ, სახალხო რესპუბლიკის ლიდერი აზიის წყნარი ოკეანის ეკონომიკური თანამშრომლობის (APEC) ფორუმის ყოველწლიურ სამიტს დაესწრება.

როგორც Reuters-ი წერს, აშშ-ის პრეზიდენტთან სამიტი იქნება პირველი პირისპირ შეხვედრა, რომელიც ბოლო ერთი წლის განმავლობაში ორი ქვეყნის ლიდერს შორის გაიმართა.

აღნიშნული შეხვედრა შეერთებული შტატების ოფიციალური პირების მიერ უკვე დასახელებულია შესაძლებლობად, რომ შემცირდეს უთანხმოება აშშ-ჩინეთს შორის, რომელიც მსოფლიოში ყველაზე საშიშ მეტოქეობად მიიჩნევა.

ავტორი: ექსპრესნიუსი,

სოციალური ქსელები

ახალი პოლიტიკური პარტია ჯერ საქართველო დაფუძნდა

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ