კასპის მუნიციპალიტეტის ადმინისტრაციულ შენობაში, საქართველოს თავდაცვის სამინისტროს ტერიტორიული რეზერვის პროგრამის ფარგლებში, საინფორმაციო შეხვედრა გაიმართა.

კასპის მერიის ცნობით, შეხვედრას კასპის მუნიციპალიტეტის მერი ვახტანგ მაისურაძე, მუნიციპალიტეტის საკრებულოს თავმჯდომარე შოთა ბეგლარაშვილი, სამხედრო აღრიცხვისა და გაწვევის სამსახურის ხელმძღვანელი ლევან მიგრიაული და მუნიციპალიტეტის ადმინისტრაციულ ერთეულებში მერის წარმომადგენლები ესწრებოდნენ.

"საქართველოს თავდაცვის სამინისტროს წარმომადგენლებმა - ვიცე-პოლკოვნიკმა, ლევან თედიაშვილმა და მაიორმა, ლევან ლომიტაშვილმა დამსწრეთ ტერიტორიული რეზერვის პროგრამის ძირითადი ამოცანები და მასში მონაწილეობის პირობები გააცნეს.

ტერიტორიული, ანაზღაურებადი რეზერვი სამხედრო ვალდებულების მოხდის ნებაყოფლობით ფორმას წარმოადგენს და ქვეყნის თავდაცვაში მოქალაქეების ჩართულობას უზრუნველყოფს. რეზერვში მიიღება საქართველოს მოქალაქეობის მქონე 18-დან 51 წლამდე პირები, მათ შორის, სტუდენტები 18-დან 22 წლის ჩათვლით.

მიღებისას რეზერვისტს 4-წლიანი კონტრაქტი უფორმდება. მათი ანაზღაურება ყოველთვიურად წოდებრივი სარგოს 20% შეადგენს, ხოლო ქვედანაყოფში ყოფნისას ხელფასს სრულად იღებენ.

ტერიტორიულ რეზერვში ჩარიცხული რეზერვისტის მინიმალური წლიური ანაზღაურება 4 218 ლარია.
ტერიტორიული რეზერვში გაწვევა/ჩარიცხვა ხდება ტერიტორიული (რეგისტრაციის ადგილის) პრინციპით. რეზერვისტების საბრძოლო მომზადება წლის განმავლობაში 36 დან- 45 დღემდე პერიოდს მოიცავს, რომელიც 12 თვეზე თანაბრად ნაწილდება. შეკრებაზე გამოცხადების თარიღები წინასწარ არის ცნობილი.

მომზადების კურსის მთავარი მიზანია საველე შეკრებებზე რეალური საბრძოლო უნარების შესწავლა.
ტერიტორიული რეზერვის გავლის პერიოდში მოქალაქეები უზრუნველყოფილნი არიან სოციალური და სამართლებრივი დაცვით, ასევე ინდივიდუალური სამედიცინო დაზღვევით.

რეზერვში მიღება რეგისტრაციისა და სამხედრო სამედიცინო შემოწმების გავლის საფუძველზე ხორციელდება. ტერიტორიულ რეზერვში სამსახურის პერიოდში დაშვებულია წვერისა და თმის ტარება მოვლილ მდგომარეობაში.

საბუთების მიღება მიმდინარეობს სამუშაო დღეების განმავლობაში, 10:00 საათიდან 18:00 საათამდე, პარასკევს 10:00 საათიდან 12:00 საათამდე, შემდეგ მისამართებზე:

რეზერვში რეგისტრაცია შესაძლებელია:
მოქალაქე რეზერვში რეგისტრირდება ონლაინ - https://onlinebct.mod.gov.ge/ 595 06 03 44;
ეროვნული გვარდიის მე-20 ტერიტორიული თავდაცვის ბრიგადის 203-ე ტერიტორიული თავდაცვის ბატალიონი (მის: ქ. გორი ცხინვალის გზატკეცილი მე-3 კილომეტრი), 577191783",- ნათქვამია კასპის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან