ღაზას უმსხვილესი ალ-შიფას საავადმყოფო თითქმის სასაფლაოდ გადაიქცა,- ამის შესახებ ჯანდაცვის მსოფლიო ორგანიზაციაში (WHO) აცხადებენ.

WHO-ს სპიკერის, კრისტიან ლინდმაიერის თქმით, საავადმყოფოში, დაახლოებით, 600 ადამიანი რჩება, სხვები კი თავს დერეფნებში აფარებენ.

"საავადმყოფოს ირგვლივ არის ცხედრები, რომელთა მოვლა ან დაკრძალვაც კი შეუძლებელია, ან წაყვანა რომელიმე მორგში. საავადმყოფო აღარ მუშაობს ისე, როგორც უნდა მუშაობდეს - თითქმის სასაფლაოა",- განაცხადა ლინდმაიერმა.

როგორც BBC წერს, ექიმები ყვებიან, რომ პრობლემურია ათობით ჩვილის მდგომარეობა, რომლებიც ელექტროენერგიის გათიშვის გამო ინკუბატორებში დარჩენას ვეღარ ახერხებენ.

მედიასაშუალების ცნობით, ალ-შიფას საავადმყოფო, ღაზას ჩრდილოეთით მდებარეობს და ინტენსიური ბრძოლების წინა ხაზზე იმყოფება. ამასთან, როგორც ისრაელის თავდაცვის ძალები აცხადებს, საავადმყოფოს ქვეშ მდებარე გვირაბებში "ჰამასს" მართვის ცენტრი აქვს, თუმცა საავადმყოფო ამას უარყოფს.

ავტორი: ექსპრესნიუსი,

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის