თბილისს, სომხეთისა და აზერბაიჯანის პრემიერ-მინისტრები ნიკოლ ფაშინიანი და ალი ასადოვი ეწვევიან და "აბრეშუმის გზის ფორუმში" მიიღებენ მონაწილეობას. აღნიშნულის შესახებ ფორუმის ღონისძიებების ვებსაიტზეა ნათქვამი.

როგორც ვებსაიტზეა აღნიშნული, ფორუმი 26-27 ოქტომბერს ჩატარდება, მთავარი თემა კი, ელექტრონული კომერციის და ციფრული კავშირების გაღრმავება, ტრანსპორტის ინფრასტრუქტურა და ენერგეტიკა იქნება. 

აღსანიშნავია ასევე, რომ "აბრეშუმის გზის ფორუმს" საქართველოს პრემიერ-მინისტრი ირაკლი ღარიბაშვილი გახსნის.

გარდა ამისა, ფორუმის მონაწილეებს შორის არიან აზიის განვითარების ბანკის ვიცე-პრეზიდენტი რობერტა კალასი, აზერბაიჯანის ეკონომიკის მინისტრი მიხაილ ჯაბაროვი, სერბეთის ვაჭრობის მინისტრი ტომისლავ მომიროვიჩი, არაბეთის გაერთიანებული საამიროების სახელმწიფო მინისტრი საგარეო ვაჭრობის სფეროში აჰმედ ალ ზაიედი, სპარსეთის ყურის თანამშრომლობის საბჭოს გენერალური მდივანი ჯასიმ მოჰამედ ალ-ბუდაივი, აშშ-ის საერთაშორისო განვითარების სააგენტოს (USAID) ევროპისა და ევრაზიის ბიუროს ხელმძღვანელი ერინ ელიზაბეტ მაკკი.

ავტორი: ექსპრესნიუსი,

სოციალური ქსელები

კარგი იდეა მხოლოდ დასაწყისია, შეცდომების მიუხედავად არ გაჩერდე – ფოქსი ელენიკო 19 წლის საკუთარ თავს მიმართავს

ქართული ბენტონიტი მსოფლიო ბაზარზე - „ასკანგელ ალიანსი“ ინდუსტრიას თიბისისთან ერთად ავითარებს

სრული სვლით საგანძურისკენ - 200 000 მოთამაშე, 40 გამარჯვებული და ბევრი თავგადასავალი თიბისის მობაილბანკში

კობახიძე: ეუთო-ს საპარლამენტო ასამბლეა ჯო უილსონის დონემდე დავიდა, ტრაგიკული მოვლენაა