2023-10-18 12:05:21, 498 ნახვა
საზოგადოება
კახა კალაძე - გმირთა მოედანი სრულად უნდა განახლდეს
თბილისის მერმა, კახა კალაძემ მუნიციპალიტეტის მთავრობის დღევანდელ სხდომაზე, ინფრასტრუქტურულ პროექტებზე საუბრისას გმირთა მოედნის განახლება დააანონსა.
როგორც მან განმარტა, აღნიშნულ მოედანზე საბჭოთა კავშირის დროინდელი განათების სისტემები თანამედროვე ლედ სანათებით უნდა შეიცვალოს.
„მინდა, ირაკლი ბენდელიანს გმირთა მოედნის მოწესრიგება დავავალო. აქ ჯერ კიდევ არსებობს საბჭოთა კავშირის დროინდელი განათების ბოძები, ყვითელი განათებებით, ჰაერში გადაჭიმული კაბელებით. აღნიშნული მოედანი მთლიანად განახლებას საჭიროებს. განათების სისტემები მოსაწესრიგებელია და უნდა შემოვიტანოთ თანამედროვე ლედ სანათები“, - განაცხადა კალაძემ.
ავტორი: NS (სტატია დაფინანსებულია),
epn.ge (@expressnews.ge)
