ისრაელმა ღაზას საზღვართან მდებარე ყველა ქალაქზე კონტროლი დაიბრუნა. ამჟამად მის ტერიტორიაზე საომარი მოქმედებები არ მიმდინარეობს,- ამის შესახებ The Guardian-ი ისრაელის თავდაცვის ძალების სპიკერზე, დანიელ ჰაგარზე დაყრდნობით წერს.

ჰაგარის თქმით, არ არის გამორიცხული, რომ "ჰამასის" მებრძოლები ისრაელის ტერიტორიაზე კვლავ იმყოფებოდნენ.

"ჩვენ სრული კონტროლი გვაქვს ყველა სოფელზე. "ჰამასის" მებრძოლები, შესაძლოა, ისრაელის ტერიტორიაზე კვლავ იმყოფებოდნენ, მაგრამ ჩვენ ვმუშაობთ ყველაფრის გასარკვევად",- განაცხადა  სპიკერმა.

მისივე თქმით, ევაკუაცია ღაზას სექტორის საზღვართან მდებარე ყველა დასახლებული პუნქტიდან მიმდინარეობს. ამასთან, ბოლო 48 საათში ისრაელმა 300 000 რეზერვისტი გაომოიძახა.

”ჯარი გადადის თავდასხმის ფაზაში, იყო ასობით დარტყმა, ახლა იქნება ათასობით”, - დასძინა მან.

ცნობისთვის, 7 ოქტომბერს ღაზას სექტორიდან ისრაელის სამხრეთით მოულოდნელი სარაკეტო და სახმელეთო იერიში წამოიწყეს. 

თავდასხმაზე პასუხისმგებლობა ისლამისტურმა დაჯგუფება "ჰამასმა" აიღო და ისრაელის წინააღმდეგ ოპერაციის "ალ-აკსას წარღვნა" დაწყების შესახებ განაცხადა. 

იერიშის საპასუხოდ ისრაელის თავდაცვის სამინისტრომ ოპერაცია, სახელწოდებით "რკინის ხმლები" დაიწყო.

გუშინ, 8 ოქტომბერს ისრაელს ლიბანის ტერიტორიიდან ცეცხლი გაუხსნა "ჰეზბოლამაც", რასაც ქვეყანამ საარტილერიო იერიშით უპასუხა.

გუშინვე, ისრაელის უსაფრთხოების კაბინეტმა საომარი მდგომარეობა ოფიციალურად გამოაცხადა და ღაზას სექტორზე არაერთი იერიში მიიტანა.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს