2023-09-30 17:06:03, 1541 ნახვა
ომი უკრაინაში
ზელენსკი - უკრაინამ იარაღებისა და ჭურვების წარმოება დაიწყო
უკრაინამ იარაღებისა და 155 მმ-იანი კალიბრის ჭურვების წარმოება დაიწყო, - ამის შესახებ უკრაინის პრეზიდენტმა, ვოლოდიმირ ზელენსკიმ მრეწველობის საერთაშორისო ფორუმზე განაცხადა.
ზელენსკის თქმით, ახლა პარტნიორებთან წარმოების გაფართოებაზე მოლაპარაკებები მიმდინარეობს.
ამას გარდა, უკრაინის პრეზიდენტმა აღნიშნა, რომ ქვეყანა აწარმოებს მოლაპარაკებებს პარტნიორებთან იარაღის ერთობლივ წარმოებაზეც.
"ჩვენ დაინტერესებული ვართ აღჭურვილობისა და მოწინავე თავდაცვითი სისტემების წარმოების ლოკალიზებით, რომლებიც დღეს ფრონტზე შედეგებს იძლევა", - განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
