2023-09-25 14:26:00, 733 ნახვა
მსოფლიო
აზერბაიჯანმა სპეციალური საკარანტინო რეჟიმი გაახანგრძლივა - სახმელეთო საზღვრები 2024 წლის 2 იანვრამდე არ გაიხსნება
აზერბაიჯანში სპეციალური საკარანტინო რეჟიმი გახანგრძლივდა. აღნიშნულ ინფორმაციას აზერბაიჯანული მედია ავრცელებს.
მედიის ცნობით გადაწყვეტილება მინისტრთა კაბინეტმა მიიღო.
დადგენილების თანახმად, ქვეყანაში კორონავირუსის (COVID-19) გავრცელებისა და მისი შესაძლო გართულებების პრევენციის მიზნით, აზერბაიჯანში სპეციალური საკარანტინო რეჟიმი 2024 წლის 2 იანვრის 06:00 საათამდე გახანგრძლივდა.
აღნიშნული რეჟიმის დროს, ქვეყანაში შესვლა მხოლოდ საჰაერო გზით არის შესაძლებელი.
ცნობისთვის, აზერბაიჯანის სახმელეთო საზღვარი 2020 წლის გაზაფხულიდან არის დაკეტილი.
ავტორი: ექსპრესნიუსი,
epn.ge (@expressnews.ge)
