2023-09-21 22:43:46, 1158 ნახვა
მსოფლიო
ერევანში აქციის მონაწილეებმა ქუჩების გადაკეტვა დაიწყეს [ვიდეო]
ერევანში აქციის მონაწილეებმა ქუჩების გადაკეტვა დაიწყეს. ამის შესახებ ინფორმაციას ადგილობრივი მედია ავრცელებს.
მედიის ცნობით, რესპუბლიკის მოედანზე მოძრაობა პარალიზებულია. ამასთან ერთად, გავრცელებულ ვიდეო კადრებში ჩანს, რომ აქციის მონაწილეები პოლიციასთან კონფლიქტში შევიდნენ.
სომხეთის ოპოზიციური ბლოკის, „დედა სომხეთის“ ლიდერმა, ანდრანიკ ტევანიანმა განაცხადა, რომ ხვალიდან საყოველთაო გაფიცვა გამოცხადდება.
„გადაუდებელი აუცილებლობის შემთხვევაში მხოლოდ სასწრაფო და სახანძრო მანქანები დაიშვებიან. მოქალაქეები პოლიციასთან კონფლიქტში არანაირ შემთხვევაში არ უნდა შევიდნენ“, - აღნიშნა ტევანიანმა.
შეგახსენებთ, რომ აქციის მონაწილეები პრემიერ-მინისტრ ნიკოლ ფაშინიანის გადადგომას ითხოვენ.
ავტორი: ექსპრესნიუსი,
epn.ge (@expressnews.ge)
