რუსეთის ომი უკრაინის წინააღმდეგ მალე არ დასრულდება. ამის შესახებ ნატოს გენერალურმა მდივანმა იენს სტოლტენბერგმა გერმანულ გამოცემა Welt-თან ინტერვიუში განაცხადა.

სტოლტენბერგმა აღნიშნა, რომ სამხედრო ალიანსის ყველა ქვეყანას სურს მშვიდობა რაც შეიძლება სწრაფად დადგეს, მაგრამ თუ უკრაინა შეწყვეტს ბრძოლას, მაშინ ის გაქრება როგორც ქვეყანა.

„უნდა ვაღიაროთ, რომ თუ პრეზიდენტი ვლადიმერ ზელენსკი და უკრაინელები შეწყვეტენ ბრძოლას, მათი ქვეყანა აღარ იარსებებს. თუ პრეზიდენტი ვლადიმერ პუტინი და რუსეთი დადებენ იარაღს, ჩვენ გვექნება მშვიდობა“, - ხაზგასმით აღნიშნა სტოლტენბერგმა და აღნიშნა, რომ უკრაინა საბოლოოდ გაწევრიანდება ნატოში.

ნატოს ხელმძღვანელმა არაერთხელ განაცხადა, რომ სამხედრო ალიანსის ქვეყნები მხარს დაუჭერენ უკრაინას მანამ, სანამ საჭირო იქნება.

მანამდე Financial Times წერდა, რომ დასავლეთის ქვეყნები უკრაინის შეიარაღებული ძალებისთვის საბრძოლო მასალის ინტენსიურ მიწოდებას მომავალი წლის შუა რიცხვებიდან დაიწყებენ.

რუსეთმა ნატოს ქვეყნებს კიევისთვის იარაღის მიწოდების შესახებ ნოტა გაუგზავნა. რუსეთის საგარეო საქმეთა სამინისტრო თვლის, რომ დასავლეთი უშუალოდ არის ჩართული უკრაინის მხარეზე ომში, რომელიც აწვდის იარაღს და ამზადებს უკრაინელ სამხედროებს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს