რა მარტივად კლავენ ეს მხეცები, ეს ვიდეო - უკრაინელი სამხედრო ტყვეს მოკვლა - მსოფლიომ უნდა ნახოს! - ტერორის დამარცხება აუცილებელია,- ასე ეხმაურება უკრაინის პრეზიდენტი ვოლოდიმირ ზელენსკი უკრაინელი ჯარისკაცებისთვის თავის მოკვეთის ამსახველ ვიდეოკადრებს.

ზელენსკის თქმით, ეს არ არის ერთეული შემთხვევა, ეს ვიდეო კი ასახავს იმას, რისი  ნორმად და ჩვევად ქცევაც რუსეთს სურს - ადამიანის სიცოცხლის განადგურება.

„ეს ისეთი რაღაცაა, რისი იგნორირებაც მთელს მსოფლიოში არავის შეუძლია. რა მარტივად კლავენ ეს მხეცები. ეს ვიდეო - უკრაინელი სამხედრო ტყვეს მოკვლა - მსოფლიომ უნდა ნახოს. ეს არის ვიდეო რუსეთზე, როგორიც ის არის, რა სახის ქმნილებები არიან ისინი. არ არსებობს ხალხი მათთვის, შვილი, ძმა, ქმარი, ვიღაცის შვილი. ეს არის ვიდეო რუსეთზე, რომელიც ცდილობს, ეს ახალი ნორმა გახადოს, სიცოცხლის განადგურების ჩვევად აქციოს. ეს არ არის შემთხვევა, ეს არ არის ერთი ეპიზოდი, მსგავსი შემთხვევა ადრეც იყო, ასეთი შემთხვევა იყო ბუჩაში, ათასჯერ. ყველას უნდა ჰქონდეს რეაქცია, ყველა ლიდერს",- განაცხადა ზელენსკიმ.

მისივე თქმით, ყველაფერს თავისი სამართლებრივი პასუხისმგებლობა მოჰყვება.

"არ ელოდოთ, რომ ეს დავიწყებას მიეცემა, დრო რომ გავა. ჩვენ არ ვაპირებთ არაფრის დავიწყებას! არც მკვლელების პატიებას ვაპირებთ! ყველაფერს თავისი სამართლებრივი პასუხისმგებლობა მოჰყვება. ტერორის დამარცხება აუცილებელია. ვერავინ ვერ გაიგებს, თუ ლიდერები არ იმოქმედებენ, მოქმედება საჭიროა ახლა.

ჩვენ უკრაინაში ფოკუსირება უნდა მოვახდინოთ ფრონტის ხაზზე იმდენად, რამდენადაც ეს შესაძლებელია. დაგვეხმარეთ იმდენად, რამდენადაც შესაძლებელია, რათა განვდევნოთ ოკუპანტი ჩვენი მიწიდან.

მთავარი მიზანი გამარჯვებაა. მთავარი მიზანი უკრაინის გაძლიერებაა გამარჯვებისთვის. ოკუპანტის დამარცხება და მკვლელების სამართლებრივ პასუხისგებაში მიცემა. ტრიბუნალი ბოროტი სახელმწიფოსთვის! მუდმივი ხსოვნა ყველა ადამიანის, ვისი სიცოცხლეც რუსულმა ტერორმა იმსხვერპლა! დიდება ყველას, ვინც იბრძვის ამ ბოროტების წინააღმდეგ! დიდება უკრაინას!“- დასძინა ზელენსკიმ.

ცნობისთვის, გუშინ, 11 აპრილს სოციალურ ქსელში გავრცელდა ვიდეოკადრები, რომელშიც ჩანს, რომ რუსი სამხედროები უკრაინელ ტყვე ჯარისკაცს დანით თავს აჭრიან.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს