„ნაციონალური მოძრაობა“ არის პარტია, რომელმაც ხელისუფლებაში ყოფნის დროს შექმნა გულაგების სისტემა,- ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

პაპუაშვილის თქმით, მათი პოლიტიკური ფილოსოფია არის ადამიანების ჩაგვრა და როგორც კი პარტიაში „მიიღებენ ერთ გრამ ხელისუფლებასაც კი, გამოაჩენენ თავის ბრჭყალებს“.

„ნაციონალური მოძრაობა არის პარტია, რომელმაც ხელისუფლებაში ყოფნის დროს, შექმნა გულაგების სისტემა. სისტემა, სადაც ადამიანები ციხეში მოხვედრის შიშით, ან მოხვედრის გზით, იჩაგრებოდნენ, ითრგუნებოდნენ, ადამიანების ღირსების აყრა ხდებოდა და ძალადობა იყო მაშინდელი ხელისუფლების ყოველდღიური საქმე. ეს არის ნაციონალური მოძრაობის პოლიტიკური ფილოსოფია. გულაგების სისტემის შექმნა და ადამიანის ჩაგვრა.

სხვათაშორის ამას დღესაც ვხედავთ ოპოზიციიდან. დღესაც იგივე აქვთ ის ფაშისტური კამპანია რაც აქვთ აწეული ადამიანების მიმართ, მათი ოჯახის წევრების მიმართ, როდესაც მიდის პირდაპირი მუქარა და ძალადობა, მათ შორის, ფსიქოლოგიური, აჩვენებს, რომ ამ ადამიანებმა საერთოდ ვერაფერი ვერ გააცნობიერეს. ისეთივე მოძალადეები არიან, როგორიც იყვნენ ხელისუფლებაში.

ერთადერთი განსხვავებაა, რომ მათ არ აქვთ ძალაუფლების ბერკეტები და თავის ძალადობრივ იდეებს ვერ ახორციელებენ. როგორც კი მიიღებენ ერთ გრამ ხელისუფლებასაც კი, იმ მომენტშივე გამოაჩენენ თავის ბრჭყალებს და ზუსტად იმ გულაგების სისტემას აღადგნენ, რომელიც მათ ჰქონდათ საქართველოში დამკვიდრებული.. რაც შეეხება აქციების დაანონსებას, ეს პოლიტიკური ფარისევლობაა. გულაგების შემქნელი პარტია რომ საუბრობს ან დემოკრატიაზე, ან უფლებებზე, ან 9 აპრილთან ცდილობს, თავისი თავი გააიგივოს, ამით აჩვენებენ, რომ ყველაფრის გაუფასურება შეუძლიათ საკუთარი ყოფნით შორიახლოს. რეაქცია მარტივია. საზოგადოებამ უკვე ბევრჯერ დაანახა „ნაციონალურ მოძრაობას“, რომ მათი რადიკალური ქმედებები არ იქნება მიღებული“,- განაცხადა პაპუაშვილმა.

ავტორი: ექსპრესნიუსი,

სოციალური ქსელები

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს