მერაბიშვილზე ერთ რამეს გეტყვით, რომ 20 კაციან აქციებს ატარებენ, ზოგან 10 კაცი ჰყავთ, ზოგან 20 კაცი, ზოგან 25, მეტს ვერ გასცდნენ და გუშინ ხაბეიშვილი ამბობდა, რომ არც გვითქვამსო ჩვენ აქციები მასშტაბური უნდა ყოფილიყოო, სასაცილოა რა თქმა უნდა. მერაბიშვილის მშობლიურ ადიგენში 2 კაცი მივიდა და აქცია ვერ შედგა. ახლა რა რესურსი აქვს მერაბიშვილს, თავად შეგიძლიათ განსაჯოთ, - ამის შესახებ „ქართული ოცნების“ თავმჯდომარემ, ირაკლი კობახიძემ „ღამის კურიერის“ ეთერში ვანო მერაბიშვილთან დაკავშირებით საუბრისას განაცხადა.

კობახიძის თქმით, „ნაციონალური მოძრაობის“ დასუსტების პროცესი საკმაოდ სწრაფი ტემპით მიმდინარეობს, თუმცა არსებობს გარე პატრონები, რომლებიც მათ ხელოვნურ სუნთქვაზე აჩერებენ.

„რაც მეტი ვანო მერაბიშვილი იქნება „ნაცმოძრაობის“ წინა ფლანგზე, მით უკეთესი. მერაბიშვილი, ხაბეიშვილი, ეს ოდიოზური, გაცვეთილი და აბსოლუტურად ყველაფრისგან დაცლილი ფიგურები რაც მეტი იქნებიან, მით უკეთესია ქართული პოლიტიკისთვის იმიტომ, რომ ეს კიდევ უფრო დააჩქარებს „ნაცმოძრაობის“ დასუსტების პროცესს, რაც სწრაფი ტემპით ისედაც მიმდინარეობს. რეალურად, ეს არის უკიდურესად დასუსტებული პოლიტიკური ძალა და გარე პატრონები მათ ამყოფებენ ხელოვნურ სუნთქვაზე. გლობალური ომის პარტია, ვისზეც ჩვენ გვაქვს საუბარი, „ნაცმოძრაობას“ ამყოფებს ხელოვნურ სუნთქვაზე. მეტი არაფერი არ შეიძლება დაერქვას ამ ყველაფერს. განულებულია აბსოლუტურად. ხაბეიშვილი რომ გყავს თავმჯდომარე რაზეა საერთოდ საუბარი. მაგრამ არიან გარე პატრონები, რომლებიც მათ ხელოვნურ სუნთქვაზე აჩერებენ ჯერ ჯერობით და ვნახოთ რამდენ ხანს გაგრძელდება ეს ყველაფერი.“- განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები