საქართველოს თავდაცვის მინისტრი აშშ-ში ვიზიტს განაგრძობს. პენტაგონში აშშ-ის თავდაცვის მდივანთან, ლოიდ ოსტინთან შეხვედრის შემდეგ, ჯუანშერ ბურჭულაძეს აშშ-ის ეროვნული გვარდიის ბიუროში ეროვნული გვარდიის უფროსმა, გენერალმა დანიელ ჰოკანსონმა უმასპინძლა. ინფორმაციას საქართველოს თავდაცვის სამინისტრო ავრცელებს.

შეხვედრას აშშ-ის თავდაცვის მდივნის თანაშემწის მოადგილე რუსეთის, უკრაინისა და ევრაზიის საკითხებში ლორა კუპერი, ევროპასა და აფრიკაში აშშ-ის არმიის მეთაურის მოადგილე გენერალ-მაიორი ჯო ჯერარდი, ეროვნული გვარდიის ბიუროს წარმომადგენლები და საქართველოს დელეგაციის წევრები დაესწრნენ.

მხარეებმა აშშ-ის მხარდაჭერით საქართველოს თავდაცვისუნარიანობის გაძლიერების მიზნით, განხორციელებული მნიშვნელოვანი პროგრამები განიხილეს.

ჯუანშერ ბურჭულაძემ ამერიკულ მხარეს მადლობა გადაუხადა „პარტნიორობა ქვეყნებს შორის“ პროგრამის განხორციელებისთვის, რომელიც ათეულობით წლებია ჯორჯიის შტატის ეროვნულ გვარდიასთან წარმატებით მიმდინარეობს და სამაგალითო პარტნიორობის ნიმუშია.

მხარეებმა მრავალეროვნული სამხედრო სწავლებების მნიშვნელობაზე ისაუბრეს და ხაზგასმით აღნიშნეს მათ განხორციელებაში ეროვნული გვარდიის განსაკუთრებული მხარდაჭერა და კონტრიბუცია.

ავტორი: NS (სტატია დაფინანსებულია),

სოციალური ქსელები

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს

რუსეთის უდიდესმა ნავთობგადამამუშავებელმა ქარხანამ დრონებით თავდასხმის შემდეგ მუშაობა შეაჩერა

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს