უკრაინის უშიშროების ძალების გამომძიებლებმა კიევის რეგიონში, ბროვარში, ვერტმფრენის ჩამოვარდნის ფაქტზე წინასწარი გამოძიება დაიწყეს. აღნიშნულის შესახებ განცხადებას უკრაინის შეიარაღებული ძალები ავრცელებს.

მათი ცნობით, ამჟამად განიხილება ტრაგედიის რამდენიმე ვერსია.

„უკრაინის უშიშროების ძალების გამომძიებლებმა კიევის რეგიონში, ბროვარში, ვერტმფრენის ჩამოვარდნის ფაქტზე წინასწარი გამოძიება დაიწყეს.

ამჟამად განიხილება ტრაგედიის რამდენიმე ვერსია, მათ შორის:

• ფრენის წესების დარღვევა;
• ვერტმფრენის ტექნიკური გაუმართაობა;
• მიზანმიმართული ქმედებები მანქანის განადგურების მიზნით.

СБУ-ს თანამშრომლები ახორციელებენ საგამოძიებო ოპერატიული ღონისძიებების კომპლექსს, რათა დადგინდეს ტრაგედიის ყველა მიზეზ-შედეგობრივი კავშირი და დეტალები.

წინასწარი ინფორმაციით, ტრაგედიას სულ მცირე 16 ადამიანი ემსხვერპლა, მათ შორის 3 ბავშვი.

СБУ-ს ხელმძღვანელობა და მთელი პერსონალი გულწრფელ სამძიმარს უცხადებს დაღუპულთა და დაშავებულთა ოჯახებსა და ახლობლებს“,- აღნიშნულია განცხადებაში.

შეგახსენებთ, რომ ცოტახნის წინ კიევის ოლქის ქალაქ ბროვარიში, საბავშვო ბაღის სიახლოვეს ვერტმფრენი ჩამოვარდა, რის შედეგადაც 18 ადამიანი დაიღუპა, მათ შორის 3 ბავშვი. სხვადასხვა სიმძიმის დაზიანებები მიიღო 26 ადამიანმა, მათ შორის 12 ბავშვია.

ამასთან, ავიაკატასტროფას უკრაინის შინაგან საქმეთა მინისტრის, დენის მონასტირსკის, მისი პირველი მოადგილის, ევგენი ენინის და შინაგან საქმეთა სამინისტროს სახელმწიფო მდივანის სიცოცხლე ემსვერპლა.

ავტორი: ექსპრესნიუსი,

სოციალური ქსელები

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით

500 Global in Eurasia-ს მეათე ნაკადის დემო დღე 25 ივნისს გაიმართება

საქართველოს ბანკისა და Emolas Corporation - ის პარტნიორობის ფარგლებში, სამეფო უბნის თეატრი სპექტაკლ „მოახლეებს“ ნიუ იორკის სცენაზე წარადგენს

ალეკო ელისაშვილმა პაპუაშვილს სასამართლოში უჩივლა