მიხეილ სააკაშვილი მიზანმიმართულად ახორციელებს საკუთარი ჯანმრთელობის დაზიანებას, იმიტომ რომ ის ხედავს, რომ მოატყუეს თავისმა თანაგუნდელებმა, დაჰპირდნენ რევოლუციას, - 
ამის შესახებ საპარლამენტო უმრავლესობის წევრმა, გივი მიქანაძემ განაცხადა. 

მიქანაძის თქმით, საქართველოს მესამე პრეზიდენტმა "თავი არ უნდა შეიწუხოს სიების შედგენით", რადგან ის სასჯელს მაინც მოიხდის. 

"მე მოვუწოდებდი ამ ადამიანს, რომ თავს უხერხულში ნუ ჩაიგდებს მსგავსი განცხადებების გაკეთებით, იმიტომ რომ მის იმიჯზე მოქმედებს ეს და ვეტყვი, რომ ტყუილად ნუ შეწუხდება სიების შედგენით, რადგან ეს ქვეყანა შენდება კანონის უზენაესობის და ადამიანის უფლების პატივისცემაზე და ნებისმიერი ადამიანი, რომელიც დანაშაულს ჩაიდენს, მოსწონს ეს თუ არ მოსწონს, ის სასამართლოს წინაშე წარდგება. სააკაშვილი მიზანმიმართულად ახორციელებს საკუთარი ჯანმრთელობის დაზიანებას, იმიტომ რომ ის ხედავს, რომ მოატყუეს თავისმა თანაგუნდელებმა, დაჰპირდნენ რევოლუციას",- განაცხადა გივი მიქანაძემ. 

შეგახსენებთ, რომ 8 იანვარს საქართველოს მესამე პრეზიდენტმა „მაგნიტსკის სიის“ ავტორს, ბილ ბროუდერს წერილით მიმართა და სთხოვა, რომ "ქართულ ჯგუფებს" მაგნიტსკის ახალი სიის შედგენაში დაეხმაროს. ექსპრეზიდენტმა წერილში აღნიშნა, რომ მისი ჯანმრთელობის მდგომარეობა თანდათან უარესდება, "ადგილობრივი ოლიგარქიული ნაძირლები" კი, ამას "უბრალოდ დასცინიან".

ავტორი: ექსპრესნიუსი,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა