გარემოს დაცვისა და სოფლის მეურნეობის მინისტრმა, ოთარ შამუგიამ  დაცული ტერიტორიების განვითარების მიმართულებით მიღწეულ შედეგებზე გადაცემის „ბიზნესპარტნიორი“ ეთერში ისაუბრა.

„მიმდინარე წელს, დაცული ტერიტორიების  მიმართულებით, ძალიან მნიშვნელოვანი ნაბიჯები გადავდგით: შეიქმნა რამდენიმე ახალი დაცული ტერიტორია  და მათი ფართობი, დაახლოებით, 120 000 ჰექტრით განისაზღვრა. ქვეყნის ტერიტორიის, დაახლოებით, 13% დაცული ტერიტორიაა და ამ პროცესს ვაგრძელებთ. ვმუშაობთ გურიის და სამეგრელო-ზემო სვანეთის მიმართულებით. რა თქმა უნდა, ტერიტორიებზე მნიშვნელოვანია შესაბამისი ეკოტურისტული ინფრასტრუქტურის შექმნა. წელს გაიხსნა წალკის კანიონი, რომელსაც,  უამრავი ტურისტი ეწვია. მომავალში  გვექნება ახალი ლოკაციები. აქტიურად ვმუშაობთ, რომ შესაბამისი ინფრასტრუქტურა გვქონდეს, რათა რაც შეიძლება მეტი ვიზიტორი ეწვიოს ჩვენს დაცულ ტერიტორიებს. აქვე აღვნიშნავ, რომ ამ მიმართულებით  კარგი შედეგები გვაქვს. წელს უკვე გვყავდა 880 000-ზე მეტი ვიზიტორი, რაც გაცილებით მეტია წინა წელთან შედარებით. ვფიქრობ, რომ 2023 წელი, ამ კუთხით, კიდევ უფრო აქტიური გვექნება. ჩვენ, როგორც ბიუჯეტის სახსრებით, ასევე კერძო ინვესტიციების მოზიდვით, ძალიან აქტიურად ვიმუშავებთ, რომ კიდევ უფრო მეტი საინტერესო ობიექტი გაჩნდეს ქვეყანაში“, - განაცხადა ოთარ შამუგიამ.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”