თუ ვენეციის კომისიაში არ გააგზავნიან დეოლიგარქიზაციის შესახებ კანონპროექტს, ეს ნიშნავს, რომ პირდაპირ დგამენ ნაბიჯს, რომ ქვეყანამ კანდიდატის სტატუსი არ მიიღოს,- ამის შესახებ პარტია "სტრატეგია აღმაშენებლის" თავმჯდომარემ, გიორგი ვაშაძემ განაცხადა. 

მისივე თქმით,  „დეოლიგარქიზაციის შესახებ“ კანონპროექტის განხილვა "საბავშვო ბაღის დონეზეა მისული და აბსურდის თეატრი ტრიალებს". 

"მთელი ევროპა, მთელი ამერიკა, ყველა დამოუკიდებელი ორგანიზაცია საქართველოში ერთხმად ამბობს, რომ კანონი, რომელიც აბსურდულია, მაგრამ დაარეგისტრირეს და მიიღეს პირველი-მეორე მოსმენით, უნდა გადაიგზავნოს ვენეციის კომისიაში. ეს ადამიანები ხან რას თხზავენ, ხან რას გვიმტკიცებენ რომ ეს არ გააკეთონ. შესაბამისად, უკრაინა მიღებს თუ არა, მაგას მნიშვნელობა არ აქვს, რადგან საკითხი დგას შემდეგნაირად - თუ ვენეციის კომისიაში არ გააგზავნიან დეოლიგარქიზაციის შესახებ კანონპროექტს, ეს ნიშნავს, რომ პირდაპირ დგამენ ნაბიჯს, რომ ქვეყანამ კანდიდატის სტატუსი არ მიიღოს. რა დონეზეა უკვე ეს მისული, საბავშვო ბაღის დონეზეა მისული ამ კანონის განხილვა, აბსურდის თეატრი ტრიალებს. 

მივმართავ კობახიძეს, რომელიც არის ამ პრორუსული პარტიის თავმჯდომარე. არჩევანი გაქვს მარტივი - ირაკლი ან აგზავნი ამ კანონს ვენეციის კომისიაში ან არ აგზავნი, რაც ნიშნავს, რომ პირდაპირ უარს ამბობთ ევროკავშირის კანდიდატის სტატუსზე",- განაცხადა ვაშაძემ. 

შეგახსენებთ, რომ 16 ნოემბერს, პარლამენტმა „დეოლიგარქიზაციის შესახებ“ კანონპროექტი მეორე მოსმენით მიიღო. კანონპროექტს მხარი 76-მა დეპუტატმა დაუჭრა, ექვსი კი წინააღმდეგი იყო.

საქართველოში ევროკავშირის წარმომადგენლობა ხელისუფლებას მოუწოდებს, რომ „დეოლიგარქიზაციის“ კანონის მიღებამდე უნდა იყოს შესრულებული ვენეციის კომისიის დასკვნა. 

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს