თავიდანვე ვამბობდით და ყოველდღიურად მტკიცდება, რომ მათი ერთადერთი მიზანი არის ის, რომ როგორმე საქართველომ არ მიიღოს კანდიდატის სტატუსი. ამისათვის აკეთებენ აბსოლუტურად ყველაფერს. ამიტომ არ ჩაერთნენ სამუშაო ჯგუფებში და ამიტომ აწარმოებენ აგიტაციას კანდიდატის სტატუსის წინააღმდეგ - ამის შესახებ „ქართული ოცნების“ თავმჯდომარემ, ირაკლი კობახიძემ საქართველოს პირველი არხის გადაცემაში „აქტუალური შაბათი - მაკა ცინცაძესთან ერთად“ ოპოზიციაზე განაცხადა.

მისი თქმით, ოპოზიციამ უარი თქვა სამუშაო ჯგუფებში მონაწილეობაზე და პასუხისმგებლობა სწორედ მათ ეკისრებათ. 

„ჩვენ ყველას გავუღეთ კარი, შეიქმნა სამუშაო ჯგუფები და აბსოლუტურად ყველა პოლიტიკური პარტია იყო მიწვეული. რამდენიმე პოლიტიკური პარტია თავიდანვე იყო და არის ჩართული ამ სამუშაო ჯგუფების მუშაობაში. სამმა საპარლამენტო პარტიამ თავიდანვე თქვა უარი, ეს არის „ნაცმოძრაობა“, „ლელო“ და „სტრატეგია აღმაშენებელი“ შესაბამისად, აქ ჩვენ რა უნდა გავაკეთოთ. შინაარსზეც კი არ იყო საუბარი. ანუ, კანონების შინაარსი კი არ გააპროტესტეს, თავიდანვე თქვეს უარი ამ სამუშაო ფორმატებზე. აქედან გამომდინარე, ბუნებრივია პასუხისმგებლობა არის მთლიანად მათზე“, - განაცხადა კობახიძემ.

შეკითხვაზე, არის თუ არა მოლოდინი რომ პროცესი მართლაც დაზიანდეს, კობახიძემ აღნიშნა, რომ "ნაცმოძრაობას" რესურსი არ აქვს, რომ რაღაც ჩაშალოს, ერთადერთი, რითაც შეიძლება დაზიანდეს ეს პროცესი, არის საერთო კოორდინაცია.

„ერთადერთი რითაც შეიძლება დაზიანდეს ეს პროცესი არის საერთო კოორდინაცია. ნაცმოძრაობას იმის რესურსი არ აქვს რომ რაღაც ჩაშალოს, რაღაცაში ხელი შეგვიშალოს.  გლობალური ომის პარტია, ლოკალური ომის პარტია, იქ თუ დალაგდა ქვეყნის საწინააღმდეგოდ რაღაც გადაწყვეტილებები, ეს რა თქმა უნდა პრობლემას შექმნის, მაგრამ ჩვენ ყველაფერს გავაკეთებთ იმისათვის, რომ სხვანაირად განვითარდეს მოვლენები. ცდას არ დავაკლებთ რომ  მაქსიმალურად შესრულდეს 12 პუნქტი, ამას ვაკეთებთ რა თქმა უნდა და გვექნება მუდმივი კომუნიკაცია ჩვენს პარტნიორებთან. ეს არის მაქსიმუმი, რაც ჩვენ შეგვიძლია გავაკეთოთ და ბუნებრივია, ბოლომდე დავიხარჯებით“- განაცხადა ირაკლი კობახიძემ.

ავტორი: NS (სტატია დაფინანსებულია),

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს