ომის შესწავლის ამერიკული ინსტიტუტის (ISW) ცნობით, რუსეთის ხელისუფლება ემზადება ფარული მობილიზაციის გასაგრძელებლად საშემოდგომო გაწვევების სახით. ექსპერტების აზრით, ეს დამატებით ტვირთს შეუქმნის ისედაც გადატვირთულ რუსულ აპარატს სამხედრო რეზერვის ფორმირებისთვის.

18 ნოემბერს რუსული ტელეგრამის არხები აქტიურად განიხილავდნენ ნიშნებს, რომ კრემლი ემზადებოდა მობილიზაციის მეორე ტალღისთვის. კერძოდ, მათ ინტერნეტში გაავრცელეს გამოძახების სურათი, რომელიც მიიღო პეტერბურგელმა, მას დაევალა გამოცხადებულიყო მობილიზაციაზე 2023 წლის იანვარში, ვლადიმერ პუტინის განცხადების საწინააღმდეგოდ, რომ ნაწილობრივი მობილიზაცია დასრულდება 31 ოქტომბერს, წერს ISW.

ცხადია, რუსეთის ხელისუფლებას სრულად არ შეუწყვეტია სამობილიზაციო საქმიანობა, რაც იმას ნიშნავს, რომ მობილიზებულთა გარკვეული რაოდენობა კვლავ წვევამდელებთან ერთად გადის წვრთნას.

ეს, სავარაუდოდ, გამოიწვევს მობილიზებულ და წვევამდელთა მომზადების კიდევ უფრო დაბალ ხარისხს. მობილიზაციის მორიგი ტალღა უახლოეს თვეებში მხოლოდ გააუარესებს სიტუაციას და, სავარაუდოდ, რუსული ჯარების საერთო ხარისხს, რომლებიც განლაგდებიან უკრაინის ფრონტის ხაზზე, ამბობენ ექსპერტები.

ავტორი: ექსპრესნიუსი,

სოციალური ქსელები

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი

ოცნების პარლამენტმა ფორმულას ჟურნალისტ ნინი ბალანჩივაძეს 6 თვით აკრედიტაცია შეუწყვიტა