საქართველოს ფინანსთა მინისტრი ლაშა ხუციშვილი შეხვდა მსოფლიო ბანკის განათლების მიმართულების ხელმძღვანელს, რიტა ალმეიდას, რომელიც ადამიანური კაპიტალის პროგრამის ოფიციალურად დაწყებასთან დაკავშირებით ჩამოვიდა საქართველოში.

შეხვედრას, ასევე, დაესწრნენ მსოფლიო ბანკის რეგიონული დირექტორი სამხრეთ კავკასიაში სებასტიან მოლინეუსი, ფინანსთა მინისტრის მოადგილე ეკატერინე გუნცაძე და მსოფლიო ბანკის სხვა წარმომადგენლები. 

მხარეებმა ხაზი გაუსვეს ადამიანური კაპიტალის პროგრამის დაწყების მნიშვნელობას ჯანდაცვის, განათლებისა და სოციალური დაცვის სექტორების გაძლიერების მიმართულებით.

როგორც ფინანსთა მინისტრმა აღნიშნა, ბოლო ათწლეულის განმავლობაში, აღნიშნულ სექტორებში ქვეყანამ გაატარა ძირითადი რეფორმები, თუმცა საჭიროა შემდგომი ტრანსფორმაციული ცვლილებები, რათა ადამიანური კაპიტალი იყოს ქვეყნის ზრდისა და კეთილდღეობის მამოძრავებელი ძალა.

მან მადლობა გადაუხადა მსოფლიო ბანკს ამ მნიშვნელოვანი რეფორმის განხორციელების პროცესში მხარდაჭერისთვის.

თავის მხრივ, მსოფლიო ბანკის წარმომადგენლებმა გამოთქვეს მზადყოფნა ერთობლივი ძალისხმევით, ხელი შეუწყონ ადამიანური კაპიტალის პროგრამის წარმატებით იმპლემენტაციას.

ავტორი: NS (სტატია დაფინანსებულია),

სოციალური ქსელები

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე

რიკოთზე ავარიას 2 ადამიანი ემსხვერპლა, დაშავდა ბავშვი

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ