ყოველდღიურად ვანადგურებთ მტრის სამხედრო შენაერთებს, იარაღის საცავებსა და სამეთაურო პუნქტებს. - ამის შესახბე უკრაინის პრეზიდენტმა, ვოლოდიმირ ზელენსკიმ განაცხადა.

მისივე თქმით, მძიმე ვითარებაა ფრონტის ხაზზე, განსაკუთრებით დონეცკისა და ლუგანსკის მიმართულებით.

"ჩვენი არმია მედგრად იბრძვის. ყოველდღიურად ვანადგურებთ მტრის სამხედრო შენაერთებს, იარაღის საცავებსა და სამეთაურო პუნქტებს. უკრაინის გამარჯვებას მშვიდობის დამყარებისთვის გადამწყვეტი მნიშვნელობა აქვს. მტერი ირანული რაკეტებით ბომბავს უკრაინას. აუცილებლად დადგება ის დღე როდესაც უკრაინის მიმართულებით ნასროლ რაკეტებსა და უპილოტო საფრენ აპარატებს ჩამოვაგდებთ, ეს გარდაუვალია - ჩვენი არმია წარმატებით იბრძვის. მძიმე ვითარებაა ფრონტის ხაზზე, განსაკუთრებით დონეცკისა და ლუგანსკის მიმართულებით. ჩვენი არმია ბახმუტის მიმართულებით წარმატებით მოქმედებს და პოზიციებს ამაგრებს. უკრაინა აუცილებლად დაიბრუნებს თავის ტერიტორიებს". - ნათქვამია განცხადებაში.

შეგახსენებთ, რომ ოკუპანტებმა ზაპოროჟიე 9 ოქტომბერსაც დაბომბეს. როგორც ადგილობრივი მედია წერდა, სარაკეტო თავდასხმას 13 ადამიანი ემსხვერპლა 89 კი, დაშავდა. 

აღსანიშნავია, რომ 10 ოქტომბერს უკრაინის ქალაქებში, რუსეთის შეჭრის დღიდან, ერთ-ერთი ყველაზე დიდი სარაკეტო თავდასხმა განხორციელდა. ოკუპანტებმა კიევი, ხმელნიცკი, ჟიტომირი, ტერნოპილი, ლვოვი, კრემენჩუგი, კრივი რიჰი, ხარკოვი, კონოტოპი, ოდესა და დნიპრო დაბომბეს.

ავტორი: ექსპრესნიუსი,

სოციალური ქსელები

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ