ჩვენ მტკიცედ ვუჭერთ მხარს საქართველოსა და მის ტერიტორიულ მთლიანობას, მის საერთაშორისოდ აღიარებულ საზღვრებში, - ასე ეხმიანება აშშ-ს სახელმწიფო დეპარტამენტის სპიკერი, ნედ პრაისი ბელარუსის პრეზიდენტის ვიზიტსს აფხაზეთში. 

ნედ პრაისის თქმით, 2008 წლის ცეცხლის შეწყვეტის ხელშეკრულებით დაკისრებული ვალდებულებით, რუსეთმა უნდა გაიყვანოს თავისი ძალები კონფლიქტამდე პოზიციებზე. 

"ჩვენ მტკიცედ ვუჭერთ მხარს საქართველოსა და მის ტერიტორიულ მთლიანობას, მის საერთაშორისოდ აღიარებულ საზღვრებში. ჩვენ გვჯერა, რომ რუსეთმა უნდა აგოს პასუხი. 2008 წლის ცეცხლის შეწყვეტის ხელშეკრულებით დაკისრებული ვალდებულებით, რუსეთმა უნდა გაიყვანოს თავისი ძალები კონფლიქტამდე პოზიციებზე და გააუქმოს საქართველოს ტერიტორიების - აფხაზეთისა და სამხრეთ ოსეთის რეგიონების აღიარება",- აცხადებს ნედ პრაისი. 

შეგახსენებთ, რომ გუშინ, 28 სექტემბერს ბელარუსის პრეზიდენტი, ალექსანდრ ლუკაშენკო ვიზიტით ოკუპირებულ აფხაზეთში ჩავიდა. მისი თქმით, "მეგობრებთან ურთიერთობის განმტკიცება უმნიშვნელოვანესი პროცესია და აფზახეთი არ უნდა იყოს მიტოვებული", .

გაკეთებული განცხადებების შემდეგ, საქართველოს საგარეო საქმეთა სამინისტროში პროტესტის ნიშნად საქართველოში ბელარუსის ელჩი ანატოლი ლისი დაიბარეს.

ავტორი: ექსპრესნიუსი,

სოციალური ქსელები

ლავროვისა და რუბიოს პირველი შეხვედრა თითქმის ერთი წლის შემდეგ მხოლოდ 35 წუთს გაგრძელდა

რუსაეთში ნავთობპროდუქტების წარმოების ბოლო 20 წლის განმავლობაში ყველაზე დიდი ვარდნა დაფიქსირდა

ქეთი დუმბაძე ონისე ოქრიაშვილზე ფიზიკურ თავდასხმაზე - ძალიან შევწუხდი და განვიცდი

ნოდარ დუმბაძის შვილიშვილი - ბაბუაჩემის სახელით ადამიანის ცემა ან პროვოკატორის ნახელავი უნდა იყოს, ან იდიოტის