გარემოს დაცვის სამინისტროში ევროკავშირის ახალ პროექტზე „ნარჩენების მართვა და ცირკულარული ეკონომიკის განვითარება საქართველოში“ იმსჯელეს

2022-09-18 14:59:01, 968 ნახვა

საზოგადოება

გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი ევროკავშირის ახალი პროექტის „ნარჩენების მართვა და ცირკულარული ეკონომიკის განვითარება საქართველოში“ ჯგუფის ხელმძღვანელს დაგ ჰიკმანს შეხვდა.

შეხვედრაზე მინისტრის მოადგილემ ისაუბრა ევროკავშირის მხარდაჭერის მნიშვნელობის შესახებ და ყურადღება ქვეყანაში ცირკულარული ეკონომიკის განვითარების საჭიროებაზე გაამახვილა.

საუბარი შეეხო ქვეყანაში ინერტული, სამშენებლო, ნგრევის ნარჩენების შეგროვების და რეცირკულირების თანამედროვე მიდგომების დანერგვისა და ნარჩენების ინტეგრირებული მონაცემთა ბაზების შექმნის მნიშვნელობის საკითხებს.

პროექტი, რომლის მიზანსაც ცირკულარული ეკონომიკის კონცეფციის დანერგვა და მხარდაჭერა წარმოადგენს ორი წლის განმავლობაში გაგრძელდება და ნარჩენების მართვის პრაქტიკის გაუმჯობესებასთან ერთად ხელს მწარმოებლის გაფართოებული ვალდებულების ორგანიზაციის იმპლემენტაციას შეუწყობს.