ძალადობრივი და ჰომოფობიური გაერთიანება "ალტ-ინფოს" მიერ დაფუძნებულ ტელევიზიას დახურვა ემუქრება, ვინაიდან არხი, ფინანსური კრიზისის გამო, მაუწყებლობის შეჩერების საფრთხის წინაშე დგას. 

როგორც პრორუსული ჯგუფის ერთ-ერთმა ლიდერმა, კონსტანტინე მორგოშიამ "რადიო თავსუფლებასთან" საუბრისას აღნიშნა, საუბარი მიდის პარტიების ოფისების შემცირებაზეც. 

"ფინანსებთან დაკავშირებით გვაქვს ძალიან დიდი პრობლემა გამომდინარე იქიდან, რომ ჩვენი დამფინანსებლების უმრავლესობას, რომლებსაც ბანკებსა და ორგანიზაციებში ჰქონდათ ბიზნესაქტივობა, მისცეს მითითება, რომ ჩვენთან არანაირი კონტაქტი არ ჰქონდეთ. ეს ახსნეს იმით, რომ ამ ბანკების და კომპანიების პარტნიორები არიან უცხოელები, რომლებისთვისაც ეს არის პრობლემა.

უცხოელმა მფლობელებმა მოსთხოვეს ბანკის მენეჯმენტს ამის გატარება, რაზეც ამბობენ, რომ არის ელჩების მითითება და განსაკუთრებით აქტიურობს აშშ-ის ელჩი. 

პარტიაშიც იგივე პრობლემებია. იქ ცალკე ვმუშაობთ, რა გამოვა, ჯერ ვერ გეტყვით. [პარტიების ოფისების შემცირებაზეც] არის საუბარი, გააჩნია რა ფინანსები გვექნება, მანდედან გამომდინარე ვიმოქმედებთ", - ამბობს მორგოშია.

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს