სერვისის მიმართულებით გამოცდილების გაზიარების მიზნით აჭარის ტურიზმის დეპარტამენტის წარმომადგენლები დუბაის ტურიზმის კოლეჯის ხელმძღვანელს შეხვდნენ. შეხვედრისას ტურიზმის სფეროსთვის შესაბამისი კადრების მომზადება,ტურიზმის საგანმანათლებლო პროგრამები და სერვისის ერთიანი ჯაჭვის ეფექტურად ფუნქციონირების საკითხები განიხილეს. გარდა ამისა, მიმდინარეობს მოლაპარაკება კოლეჯის წარმომადგენლების ვიზიტზე ბათუმში, რაც ტურიზმის საგანმანათლებლო დაწესებულებებისა და სერვისის წარმომადგენლებს გამოცდილების გაზიარების საშუალებას მისცემს. - ამის შესახებ ინფორმაციას აჭარის ტურიზმის დეპარტამენტი ავრცელებს.

მათივე თქმით, გარდა აღნიშნული შეხვედრისა, დუბაის საერთაშორისო ტურისტული გამოფენის „ATM 2022" ფარგლებში აჭარის ტურიზმის დეპარტამენტის ხელმძღვანელობამ 30-მდე მნიშვნელოვანი შეხვედრა გამართა ტურიზმის ინდუსტრიის ძირითად მოთამაშეებთან.

მათ შორისაა აბუდაბის ტურიზმისა და კულტურის ხელმძღვანელი, დუბაის ტურიზმისა და კომერციული მარკეტინგის ხელმძღვანელი, DNATA-ს მენეჯერი, Flydubai-ის, Air Arabia-ს, Flynas-ის, Emirates-ის, Flyadeal-ისა და ATM-ს მენეჯმენტი. შეხვედრებში ჩართული იყო საქართველოს ელჩი არაბეთის გაერთიანებულ საამიროებში პაატაკალანდაძე. 
 
გამოფენის მსვლელობისის, ბათუმის, როგორც ოთხივე სეზონზე ტურისტებისთვის მიმზიდველი მიმართულების შესახებ სტატია გამოქვეყნდა „ATM 2022"-ს ჟურნალში, რომელსაც ყოველდღიურად გამოფენის ათასობით მონაწილე და ვიზიტორი ეცნობოდა. 

ავტორი: NS (სტატია დაფინანსებულია),

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს