22 მარტს 10:00 საათზე, საქართველოს განათლებისა და მეცნიერების სამინისტროში ჩატარდა დებატების საერთაშორისო ტურნირისთვის გამარჯვებული 5 წარმატებული მოსწავლის დაჯილდოება სერტიფიკატებითა და საჩუქრებით.

ღონისძიება განხორციელდა პროექტის ,,დებატები უკეთესი განათლებისთვის“ ფარგლებში, საქართველოს განათლებისა და მეცნიერების სამინისტროსთან თანამშრომლობით, „საქართველოს დებატებისა და განათლების ინსტიტუტის“ მიერ,  გუდავაძე-პატარკაციშვილის ფონდის მხარდაჭერით.

საერთაშორისო ტურნირში მონაწილეობის შესარჩევ კონკურსში დებატების კლუბების 600-ზე მეტი წევრი იღებდა მონაწილეობას მთელი საქართველოდან, რომელთაგან შემდეგ ეტაპზე გადავიდა 50-მდე მოსწავლე. მათგან კი შეირჩა ის 5, რომლებმაც სრული დაფინანსებით მიიღეს მონაწილეობა იმ საერთაშორისო ტურნირში, რომელშიც 40 ქვეყანა და 600-ზე მეტი ახალგაზრდა იღებდა მონაწილეობას მთელი მსოფლიოდან. ერთ-ერთი ქართველი მოდებატე კი ამ მასშტაბური ტურნირის 10 საუკეთესო მომხსენელს შორის მოხვდა.

ღონისძიება გახსნა და გამარჯვებულები წარადგინა საქართველოს დებატებისა და განათლების ინსტიტუტის ხელმძღვანელმა, თინათინ ცერცვაძემ. ღონისძიებას დაესწრნენ და სტუმრებს სიტყვით მიმართეს:

• თამარ მახარაშვილი - საქართველოს განათლებისა და მეცნიერების მინისტრის პირველი მოადგილე
• ლალი კალანდაძე - საქართველოს განათლებისა და მეცნიერების სამინისტროს ზოგადი განათლების დეპარტამენტის უფროსი

საქართველოს დებატებისა და განათლების ინსტიტუტი, როგორც ერთადერთი ქართული ორგანიზაცია, რომელიც საერთაშორისო დებატების საგანმანათლებლო ასოციაციის (IDEA)-ს წევრია, ყოველწლიურად აგზავნის მოსწავლეებს დებატების საერთაშორისო ტურნირებსა და ფორუმებზე.

პროექტი „დებატები უკეთესი განათლებისთვის“ მიზნად ისახავს მოსწავლეებში თავისუფალი და დამოუკიდებელი მოქალაქის უნარების განვითარებას და ისეთი უნარ-ჩვევების ჩამოყალიბების ხელშეწყობას, როგორიცაა: კონსტრუქციული მსჯელობა, არგუმენტაცია, მასალების მოძიება, ორატორობა, გუნდურობა, დროის მართვა, ოპონენტის პატივისცემა და სხვა.

ავტორი: R (რეკლამა),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის