"ერთიანი ნაციონალური მოძრაობის" წევრებმა შსს მინისტრს, ვახტანგ გომელაურს ღია წერილით მიმართეს.

ენმ-ს წევრები გომელაურისგან ჯაშუშობის ბრალდებით დაკავებულ პირთა რაოდენობისა და მათ მიმართ გამოყენებული სანქციების ზომის თაობაზე ინფორმაციას ითხოვენ.

ბრიფინგზე"ნაცმოძრაობის წევრმა" ნონა მამულაშვილმა ხაზი გაუსვა რუსეთის პასპორტის მქონე მოქალაქეების შემოდინებას.

"დღეს საქართველოს მთავრობა წერს საქართველოს ისტორიის  სამარცხვინო გვერდს. მთელი ცივილიზებული სამყარო უკრინის გვერდით დგას და საქართველოს  სახელი მოიხსენიება რუსეთის და ბელორუსის გვერდით. დღეს, ჩვენ მივმართეთ წერილით საქართველოს შინაგან საქმეთა მინისტრს, ვახტანგ გომელაურს, იმიტომ, რომ ჩვენ ვხედავთ, რომ ბოლო რამდენიმე დღის განმავლობაში საქართველოში მასიურად შემოედინება რუსეთის პასპორტის მქონე მოქალაქეები და ამის კონტროლი არ ხდება. იმის გათვალისწინებით, რომ ამ ადამიანებში, სავარაუდოდ, შეიძლება იყოს დივერსანტები, მნიშვნელოვნად მიგვაჩნია, გავარკვიოთ რა ღონისძიებებს ატარებს სახელმწიფო და რა კონტროლის მექანიზმებია. 

ვთხოვთ გომელაურს, მოგვაწოდოს ინფორმაცია ჯაშუშობის ბრალდებით დაკავებულ პირთა რაოდენობისა და მათ მიმართ გამოყენებული სანქციების ზომის თაობაზე. ეს იქნება იმის მაგალითი, რაც ნათლად დაგვანახეს რას აკეთებდა სახელმწიფო 2013 წლიდან დღემდე და რა ღონისძიებებს ატარებდა. მნიშვნელოვანია სახელმწიფომ გაგვცეს პასუხი როგორ მოხდება ამ შემოდინების კონტორლი და პრევენციას  მიმართავენ თუ გამოვლენილი იქნება დივერსანტები. - განაცხადა "ნაციონალური მოძრაობის" წევრმა საგანგებო ბრიფინგზე. 

ავტორი: ექსპრესნიუსი,

სოციალური ქსელები

„ოცნების“ დეპუტატი მიესალმება MMA-ს მებრძოლის მიერ ღირებულებების დასაცავად მოძრაობის შექმნას

გვარამია: MMA მებრძოლის ინიციატივამ შესაძლოა ლინჩის წესით გასამართლება გამოიწვიოს

ივანიშვილის რეჟიმის მხარდამჭერი MMA-ს მებრძოლი ქართული ტრადიციებისა და ღირებულებების დასაცავად მოძრაობას ქმნის

TI: „ოცნებამ“ ჟურნალისტების პარლამენტში აკრედიტაცია ზეწოლის ბერკეტად აქცია