ვიცე-პრემიერის, ლევან დავითაშვილის განცხადებით, ეკონომიკის სამინისტრო, საქართველოს მთავრობასთან ერთად, კრიზისის დაწყების პირველივე დღიდან აქტიურად არის ჩართული უკრაინის ჰუმანიტარული დახმარების პროცესში. მისი თქმით,  საქართველო ამ ნაწილში არის სოლიდარული და ცალსახად, მკაფიოდ დგას სიმართლის მხარეს. 

მინისტრმა მედიასთან ისაუბრა ამ კუთხით ეკონომიკის სამინისტროს რამდენიმე მიმართულებაზე, მათ შორის   „საქართველოს ფოსტისთვის" მიცემულ დავალებაზე,  განახორციელოს  გზავნილების  უფასოდ მიწოდება უკრაინაში. მისივე ინფორმაციით, ასევე სააგენტომ „აწარმოე საქართველოში" დაიწყო ორგანიზებულად ბიზნესთან კომუნიკაცია, რომ საქართველოში ნაწარმოები პროდუქცია მიეწოდოს ჩვენს უკრაინელ მეგობრებს - ეს ღონისძიება უკვე დღეიდან შედის ძალაში, თუმცა, წინა პერიოდში, რამდენიმე დღე მიმდინარეობდა მოსამზადებელი სამუშაოები.

„ასევე ტრანსპორტის კუთხით, როდესაც უკრაინულ გემებს პორტში შესვლის პრობლემა შეექმნათ,  ჩვენ მათ ყველანაირი ინფრასტრუქტურული მხარდაჭერა აღმოვუჩინეთ, მათ შორის ფინანსური რესურსებით. დახმარება და ჰუმანიტარული მხარდაჭერა ჩვენი მხრიდან  გაგრძელდება, საქართველო ამ ნაწილში არის სოლიდარული და ვდგავართ მკაფიოდ,  ცალსახად სიმართლის მხარეს. ეკონომიკის სამინისტრო, თავისი კომპეტენციის ფარგლებში განახორციელებს სხვადასხვა ღონისძიებებს და რა თქმა უნდა, ვიქნებით ერთსულოვანი საქართველოს მთავრობასთან ერთად" - აღნიშნა ვიცე-პრემიერმა.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს