2022-02-24 13:49:18, 1734 ნახვა
მსოფლიო
ვლადიმერ ზელენსკის განცხადებით, უკრაინამ რუსეთთან დიპლომატიური ურთიერთობები გაწყვიტა
უკრაინის პრეზიდენტის, ვლადიმერ ზელენსკის განცხადებით, უკრაინა რუსეთთან დიპლომატიურ ურთიერთობებს წყვეტს. აღნიშნულის შესახებ ზელენსკიმ ბრიფინგზე განაცხადა.
აღნიშნული გადაწყვეტილებით ორივე მხარე კარგავს დიპლომატიური, ორმხრივი კომუნიკაციის შესაძლებლობას. უკრაინელი და რუსი დიპლომატები საქმიანობას წყვეტენ და ქვეყნებს შორის დიპლომატიური ურთიერთობები მესამე ქვეყნების შუამავლობით მიმდინარეობს.
ცნობისთვის, რუსეთის პრეზიდენტმა ვლადიმერ პუტინმა დონბასში სამხედრო ოპერაციის დაწყების შესახებ განაცხადა. უკრაინის რამდენიმე ქალაქში აფეთქების ხმა ისმის. უკრაინის პრეზიდენტმა, ვლადიმირ ზელენსკიმ უკრაინაში საომარი მდგომარეობა გამოაცხადა.
ავტორი: ექსპრესნიუსი,
epn.ge (@expressnews.ge)
