„ქართველებმა, ისევე, როგორც უკრაინელებმა აირჩიეს გზა ევროატლანტიკური ინტერგაციისკენ. აშშ-მ მტკიცედ და ნათლად წარმოაჩინა ამ გზაზე საქართველოს დახმარების მიმართ ერთგულება“, - ამის შესახებ ამერიკის ელჩმა საქართველოში კელი დეგნანმა განაცხადა.

დიპლომატის თქმით, ახლა, როგორც არასდროს, აშშ ქართველი ხალხის გვერდით იდგება და მხარს დაუჭერს საქართველოს სუვერენიტეტსა და ტერიტორიულ მთლიანობას იმ მომავლისთვის, რომელიც ქართველებს სურთ და იმსახურებენ - სტაბილური, დაცული და აყვავებული საქართველოსთვის, რომელიც ევროატლანტიკურ ერთა ოჯახში სრულად არის ინტეგრირებული.

კელი დეგნანის თქმით, აშშ-ის პრეზიდენტი ჯო ბაიდენი, სახელმწიფო მდივანი ენტონი ბლინკენი, თავდაცვის მდივანი  მშვიდობიანი და დიპლომატიური გადაწყვეტის გზებზე მუშაობენ.

„ამავდროულად, ვაცნობიერებთ, რომ უარესისთვისაც უნდა ვიყოთ მზად - როგორც ორმხრივად, ასევე, მრავალმხრივ“, - დასძინა აშშ-ის დიპლომატმა.

„ვასრულებ ვაშინგტონში წინასწარ დაგეგმილი შეხვედრების კვირას და თბილისში ამ კვირის ბოლოს დავბრუნდები. ვაშინგტონში ყოფნის განმავლობაში შევხვდი კოლეგებს სახლემწიფო დეპარტამენტიდან, თეთრი სახლიდან, ეროვნული უშიშროების საბჭოდან და კონგრესიდან. გვქონდა არაჩვეულებრივი შეხვედრა ამერიკა-საქართველოს ბისზნესსაბჭოსთან, ისევე, როგორც სხვა უწყებებთან საქართველოსთან ორმხრივი ურთიერთობის საკითხზე. უამრავი განსახილველი საკითხი გვქონდა და შერჩეული დროც კარგი იყო რეგიონში ბოლო დროს განვითარებული მოვლენების გათვალისწინებით. მსურს გაგიზიაროთ ვაშინგტონში მიღებული ინფორმაცია უსაფრთხოების კრიზისზე, რომელიც უკრაინის წინააღმდეგ რუსეთის აგრესიულმა ქმედებებმა გამოიწვია. პრეზიდენტი ბაიდენი, სახელმწიფო მდივანი ბლინკენი, თავდაცვის მდივანი მუშაობენ მშვიდობიანი და დიპლომატიური გადაწყვეტის გზებზე. ეს აშშ-ს მთავარ პრიორიტეტებად რჩება. ამავდროულად, ვაცნობიერებთ, რომ უარესისთვისაც უნდა ვიყოთ მზად - როგორც ორმხრივად, ასევე, მრავალმხრივ. ჩვენს მოკავშირეებთან და პარტნიორებთან ერთად დავიწყეთ უწყვეტი დიპლომატია, რათა გავაუმჯობესოთ სტაბილურობა და უსაფრთხოება. ეს მოიცავს მჭიდრო მუშაობას საქართველოს მთავრობასთან, ინფორმაციის სხვადასხვა არხების მეშვეობით გაზიარებას, რომელსაც მე გავარძელებ, როდესაც თბილისში დავბრუნდები, ისე, როგორც ვაკეთებდი მანამ, სანამ ვაშინგტონში გავემგზავრებოდი.  
ქართველებმა, ისევე, როგორც უკრაინელებმა აირჩიეს გზა ევროატლანტიკური ინტერგაციისკენ. აშშ-ში ძლიერი, ორპარტიული მხარდაჭერაა ქართველი ხალხისა და თქვენი ევროატლანტიკური მისწრაფებების მიმართ, რომელიც დაფუძნებულია ჩვენს საერთო დემოკრატიულ ღირებულებებზე - თავისუფლებისა და დამოუკდიებლობის სიყვარულზე. ამ კვირაში შეხვედრებზე აშშ-მ მტკიცედ და ნათლად წარმოაჩინა ამ გზაზე საქართველოს დახმარების მიმართ ერთგულება. ჩვენ ამისთვის 30 წელია, ერთად ვმუშაობთ. ახლა, როგორც არასდროს, აშშ იდგება ქართველი ხალხის გვერდით - მხარს დაუჭერს საქართველოს სუვერენიტეტსა და ტერიტორიულ მთლიანობას. ერთად ვიმუშავებთ იმ მომავლისთვის, რომელიც ქართველებს სურთ და იმსახურებენ - სტაბილური, დაცული და აყვავებული საქართველოსთვის, რომელიც სრულად არის ინტეგრირებული ევროატლანტიკურ ერთა ოჯახში“, - აღნიშნა კელი დეგნანმა.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს