თავდაცვისა და უშიშროების კომიტეტის ინიციატივით, კომიტეტის თავმჯდომარის მოადგილეებმა, ვლადიმერ ჩაჩიბაიამ და თეონა აქუბარდიამ რეგიონული განვითარებისა და ინფრასტრუქტურის სამინისტროს სამხედრო სამსახურში გაწვევის სამმართველოს უფროსთან, დავით ფერაძესთან შეხვედრა გამართეს.

შეხვედრის მთავარ თემას შშმ პირებისთვის სამხედრო სამსახურში გაწვევის საკითხები წარმოადგენდა, რასთან დაკავშირებითაც ბოლო პერიოდში გარკვეული ხარვეზები გამოვლინდა. შეხვედრაზე დავით ფერაძემ დეპუტატებს აღნიშნულ პრობლემასთან დაკავშირებით დეტალური ინფორმაცია მიაწოდა და საკითხის გადაწყვეტის მიზნით, გაფართოებულ ფორმატში შეხვედრის გამართვის მზაობა გამოთქვა.

„შშმ პირების სამხედრო სამსახურში გაწვევასთან დაკავშირებით, ბოლო პერიოდში გარკვეული ხარვეზები გამოვლინდა, რაზეც სამხედრო სამსახურში გაწვევის სამმართველოს  უფროსმა დეტალური ინფორმაცია მოგვაწოდა. შევთანხმდით მომავალში გაფართოებულ ფორმატში შეხვედრის თაობაზე, სადაც როგორც საკანონმდებლო ბაზის სრულყოფის, ასევე პრაქტიკული ნაწილის გაუმჯობესების კუთხით გავაგრძელებთ მსჯელობას", - აღნიშნა ვლადიმერ ჩაჩიბაიამ.

„ჩვენ ვნახეთ, რომ ობიექტურად არსებობს პრობლემები შშმ პირებისთვის სავალდებულო სამხედრო სამსახურში გაწვევასთან დაკავშირებით. შეხვედრაზე პირველადი ინფორმაცია მივიღეთ თუ რა ხარვეზები და რა პრობლემები არსებობს და ასევე სამომავლო ნაბიჯებიც დავგეგმეთ, რათა აღნიშნული გამოწვევები სისტემურად მოგვარდეს და შშმ პირებს, კანონის დარღვევის ბრალდებით,  სასამართლოში სიარული აღარ უწევდეთ. თავდაცვისა და უშიშროების კომიტეტი, როგორც აღნიშნულ პროცესებზე მაკონტროლებელი და ზედამხედველობის გამწევი სუბიექტი, მზად არის შესაბამის უწყებებთან ერთად, არსებული პრობლემები აღმოფხვრას", - განაცხადა თეონა აქუბარდიამ.

ავტორი: NS (სტატია დაფინანსებულია),

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან