პარტია „დროას“ ლიდერი ელენე ხოშტარია სახელმწიფო ინსპექტორის სამსახურის გაუქმების, საერთაშორისო სასამართლოების კანონში ცვლილებებისა და ცესკო–ს თავმჯდომარესა და პროფესიული წევრების არჩევის საკანონმდებლო ინიციატივებს საგანგებო ბრიფინგზე გამოეხმაურა.

როგორც ელენე ხოშტარიამ აღნიშნა, სამიგე საკანონმდებლო ინიციატივა ძალიან ღია, დემონსტრაციული თავდასხმაა ინსტიტუტებზე და ეს სახელმწიფოს მიტაცების თავხედური აქტია.

ელენე ხოშტარიამ სახელმწიფო ინსპექტორის, ლონდა თოლორაიას მიმართ მხარდაჭერა გამოხატა.

„სამივე ეს საკანონმდებლო ინიციატივა ძალიან ღია დემონსტრაციული თავდასხმა ინსტიტუტებზე და სახელმწიფოს მიტაცების თავხედური აქტი. რაც შეეხება ინსპექტორის სამსახურს, ეს იყო სამსახური, რომელიც იყო შექმნილი დიდი საერთაშორისო ძალისხმევით და იყო ინსტიტუტი, რომელსაც უნდა გაეკონტროლებინა პოლიციის თავგასულობა, რისი ფაქტებიც არა ერთხელ ვიხილეთ, დაწყებული ლუკა სირაძის ფაქტიდან, ახლა სააკაშვილის უფლებების შელახვის ფაქტები და ჩვენ ვნახეთ, რომ „ქართულ ოცნებას“ ეგონა, რომ მსგავსი ინსტიტუტის შექმნა უბრალოდ იქნებოდა ფორმალური ინსტიტუტების იმიტაცია და ისინი დაიმორჩილებდნენ ისევე მონურად, როგორც ბევრ სხვა ინსტიტუტს, სახელმწიფო ინსპექტორის სამსახურს.

აღმოჩნდა, რომ ლონდა თოლორაია, მინდა გამოვხატო მხარდაჭერა პირადად მის მიმართ და შევთავაზო სრული დაპირება იმისა, რომ ვიდგებით მის გვერდზე, ამ ძალიან მძიმე ბრძოლაში. ლონდა თოლორაიამ ამოიღო ხმა პრინციპულ საქმეებზე და მათ პირდაპირ გადაწყვიტეს, რომ რაც უქმნის დისკომფორტს, უბრალოდ აიღონ და გააუქმონ, რაც წარმოუდგენელი თავხედობა და სახელმწიფოს დაზიანებაა“, – განაცხადა ელენე ხოშტარიამ.

ავტორი: ექსპრესნიუსი,

სოციალური ქსელები

გალტ & თაგარტმა საქართველოს სასაწყობე და ლოგისტიკის ბაზრის კვლევა წარადგინა

„საქართველოს ბანკის“ მობილბანკის გათამაშება დაიწყო ­­- საპრიზო ფონდია 150 000 ლარი

„ემპი დეველოპმენტმა“, თიბისი კაპიტალისა და გალტ & თაგარტის მხარდაჭერით, დოლარსა და ევროში დენომინირებული ობლიგაციები განათავსა

უკრაინამ შემოდგომაზე მოსკოვზე ბალისტიკური რაკეტებით დარტყმები გამოაცხადა