„ნაციონალური მოძრაობის“’ თავმჯდომარე ნიკა მელია აცხადებს, რომ ე.წ ფულის გათეთრების საქმეზე ბიძინა ივანიშვილს დიდი სურვილი აქვს „ლელოს“ ლიდერები, მამუკა ხაზარაძე და ბადრი ჯაფარიძე დააკავონ, თუმცა ვერ გაბედავენ.

როგორც მელიამ საქალაქო სასამართლოსთან ჟურნალისტებს განუცხადა, ივანიშვილი აცნობიერებს, რომ მათი დაკავება „გადამლაშება“ იქნება და არაპროგნოზირებად ვითარებამდე მიიყვანს.

„ძალიან ძლიერი სურვილი აქვს ბიძინა ივანიშვილს ბადრი ჯაფარიძისა და მამუკა ხაზარაძის დაკავების, წერეთლების ოჯახისთვის დარტყმის მიყენების. მაგრამ ვერ შეძლებენ. ძალიან დიდი სურვილი აქვთ, მაგრამ ვერ გაბედავენ. რატომ ვერ გაბედავს იცით? ნამეტანი არის. პოლიტიკური პატიმრები ერთ მოცემულ პერიოდში გყავდეს ბევრი, ჯერ ასეთი რამ მასაც არ უკადრია და აცნობიერებს, რომ ეს გადამლაშება იქნება და არაპროგნოზირებად ვითარებასთან მოუწევს გამკლავება“, - განაცხადა მელიამ „ფორმულასთან“ საუბრისას.

ავტორი: ექსპრესნიუსი,

სოციალური ქსელები

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო

თინათინ რუხაძე კულტურის მინისტრის თანამდებობას ტოვებს

მოსამართლე თორნიკე კაპანაძემ ია მელითაური 5-დღიან პატიმრობაში გაუშვა

მამუკა ფიფიამ მაგინა და დამემუქრა - პრორუსულ ფლანგში ერთმანეთს დაუპირისპირდნენ