2021-12-13 11:41:15, 760 ნახვა
სამართალი
ქობულეთში სამი ადამიანის დაჭრის ფაქტზე ერთი პირი დააკავეს
ქობულეთში სამი ადამიანის ცივი იარაღით დაჭრის ფაქტზე ერთი პირი დააკავეს. აღნიშნული ინფორმაცია „ექსპრესნიუსს“ შინაგან საქმეთა სამინისტროში დაუდასტურეს.
უწყების ცნობით, ფაქტზე გამოძიება საქართველოს სისხლის სამართლის კოდექსის 126-ე მუხლით დაიწყო.
ცნობისთვის, გუშინ ღამით, ქობულეთის სოფელ გვარაში დაპირისპირება მოხდა, რასაც წინ ურთიერთშელაპარაკება უძღოდა. თვითმხილველის ცნობით, ინციდენტამდე მამაკაცები სატვირთო ავტომანქანას მანდარინით ტვირთავდნენ.
ავტორი: ექსპრესნიუსი,
epn.ge (@expressnews.ge)
