რუსეთში 3,5 წლიანი პატიმრობა მიუსაჯეს სქიიღუმენ სერგის, რომელიც, კრემლის ხელისუფლების და პატრიარქ კირილეს მკვეთრი კრიტიკის გამო, მანამდე რუსეთის მართლმადიდებელმა ეკლესიამ თავისი რიგებიდან გარიცხა. სასჯელს მიუღებელი სასულიერო პირი კოლონიაში მოიხდის.

სასამართლომ იგი დამნაშავედ ცნო იმაში, რომ ქადაგების დროს თვითმკვლელობის ჩადენაში არწმუნებდა მონაზვნებს, თვითნებობდა და ხელს უშლიდა რელიგიური ორგანიზაციის მუშაობას.

სასამართლოს აზრით, რომანოვი „თვითნებურად ცხოვრობდა მონასტერში“ და აბრკოლებდა ეკატერინბურგის ეპარქიის წარმომადგენლების შესვლას მონასტრის ტერიტორიაზე“. ამას გარდა, სასამართლომ მიიჩნია, რომ სასულიერო პირს განხეთქილება შეჰქონდა რუსეთის მართლმადიდებელ ეკლესიაში, როდესაც ვაქცინაციას ჩიპირებას ადარებდა.

იგი ღიად დაუპირისპირდა რუსეთის საერო და საეკლესიო ხელისუფლებას. სქიიღუმენმა სერგიმ უარი თქვა, შეეწყვიტა ღვთისმსახურება მის მიერ კონტროლირებად მრევლში, განდევნა ეკლესიიდან რუსეთის მართლმადიდებელი ეკლესიისადმი ლოიალურად განწყობილი წინამძღვარი და დაიწყო ქადაგება, რომელშიც ანათემას გადასცემდა სახელმწიფოს ხელმძღვანელობას, მათ შორის, ვლადიმირ პუტინს. სქიიღუმენმა სერგიმ საკონსტიტუციო ცვლილებების საყოველთაო რეფერენდუმის წინააღმდეგაც გაილაშქრა.

ავტორი: ექსპრესნიუსი,

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ