საქართველოს მესამე პრეზიდენტის, მიხეილ სააკაშვილის სასამართლო პროცესზე საქმის პროკურორებსა და ყოფილი პრეზიდენტის ადვოკატებს შორის სიტყვიერი დაპირისპირება მოხდა.

დაპირისპირება მას შემდეგ დაიწყო, რაც პროკურორმა ჯარჯი წიკლაურმა ბრალდებულ ექს-პრეზიდენტს სიტყვით გამოსვლა შეაწყვეტინა. 

„20 წუთია ვისმენთ და ერთი სიტყვა არ თქმულა განსახილველ საქმეზე. იქნებ სასამართლომ შეახსენოს, რომ ბატონი მიხეილი პრეზიდენტის სტატუსით არ გამოდის და ის ბრალდებულის სტატუსით იმყოფება აქ. მგონი, 20 წუთი მიმართვის გონივრული დრო იყო რამდენი ხანი შეიძლება ვუსმინოთ აბსოლუტურად სხვა გარემოებებზე, სხვა ქვეყნებთან დაკავშირებულ განცხადებებს?“, - განაცხადა ჯარჯი წიკლაურმა.

მოგვიანებით მიხეილ სააკაშვილის ერთ-ერთმა უფლებადამცველმა, ბექა ბასილაიამ განაცხადა, რომ მიხეილ სააკაშვილის გამოსვლა ისტორიულია და მას უნდა მიეცეს განცხადების გაკეთების შესაძლებლობა.

საბოლოოდ, მოსამართლემ პროკურორის მოთხოვნა არ დააკმაყოფილა და მიხეილ სააკაშვილს სიტყვით გამოსვლის გაგრძელების საშუალება მისცა.

ავტორი: ექსპრესნიუსი,

სოციალური ქსელები

იანვარში მომიტინგეების სიკვდილით დასჯის გამო ირანში ახალი საპროტესტო აქციები გაიმართა

10-დღიანი პატიმრობა შეუფარდეს დემონსტრანტს, რომელიც საკრებულოსთან დააკავეს

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება