„რეგიონების განვითარება „ქართული ოცნების" ხელისუფლების პრიორიტეტია, რაც წლების განმავლობაში საქმითაც დამტკიცდა. ჩვენ ვნახეთ მასშტაბური ინფრასტრუქტურული პროექტები, განათლების, ჯანდაცვის, მეწარმეობის ხელშეწყობის პროგრამები, რომლებიც ცალსახად დადებითად აისახა ჩვენს მუნიციპალიტეტზე. თუმცა, წინ ჯერ კიდევ არაერთი გამოწვევა გველის" - განაცხადა „ქართული ოცნების" ბაღდათის მერობის კანდიდატმა კახა ენუქიძემ წარდგენაზე.

მერობის კანდიდატმა მადლობა გადაუხადა „ქართულ ოცნებას" გამოცხადებული ნდობისთვის.

„ჩემთვის უდიდესი პატივი და პასუხისმგებლობაა ვიყო „ქართული ოცნების" მერობის კანდიდატი იმ მუნიციპალიტეტში, სადაც დავიბადე, გავიზარდე და ჩემი ცხოვრების საუკეთესო წლები გავატარე. მადლობა „ქართულ ოცნებას", რომ მომცა შანსი, გამარჯვების შემთხვევაში ჩემს ბაღდათს და ბაღდათელებს ვემსახურო. ჩვენს მხარეს აქვს უდიდესი პოტენციალი სოფლის მეურნეობისა და ტურიზმის კიდევ უფრო განვითარებისთვის, იმისთვის, რომ კიდევ უფრო გალამაზდეს აქაურობა და ადგილობრივებს გაუჩნდეთ მეტი შემოსავალი. ამის მიღწევა კი მხოლოდ ხელისუფლებისა და საზოგადოების ნდობაზე დაფუძნებული თანამშრომლობით, ერთად დგომით არის შესაძლებელი. ბოლო ოთხი წელია ჩემს მშობლიურ მუნიციპალიტეტს ვემსახურები და კარგად ვიცი მისი საჭიროებები, ძლიერი და სუსტი მხარეები. ვიცი რა პრიორიტეტები უნდა დავისახო, რათა ბაღდათი კიდევ უფრო მიმზიდველი და საინტერესო გახდეს, როგორც ადგილობრივებისთვის, ასევე ტურისტებისა და ინვესტორებისთვის. თქვენი მხარდაჭერის შემთხვევაში, თქვენი ჩართულობით, ყველაფერს გავაკეთებთ, რომ მაქსიმალურად გავაუმჯობესოთ ჩვენს მუნიციპალიტეტში არსებულ სოციალურ-ეკონომიკური ფონი. გპირდებით, ყველა გამოწვევას ღირსეულად გავართმევთ თავს.
მინდა წარმოგიდგინოთ მაჟორიტარი დეპუტატობის კანდიდატები მუნიციპალიტეტის ადმინისტრაციულ ერთეულებში: თეა გოგნაძე, გიორგი სახამბერიძე, ბიძინა ჯაბიძე, თორნიკე გაჩეჩილაძე, მურად ბურჯანაძე, გიორგი კოტორეიშვილი, დიომიდე კიკნაველიძე ზივზივაძე ზაზა, სოსო ჭოლოკავა" - განაცხადა კახა ენუქიძემ.

ავტორი: NS (სტატია დაფინანსებულია),

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა