საჭიროა, დაუყოვნებლივ გათავისუფლდეს ზაზა გახელაძე, - ამის შესახებ ლიეტუვის საგარეო საქმეთა მინისტრმა გაბრიელიუს ლანდსბერგისმა პრესკონფერენციაზე განაცხადა.

მისი თქმით, გახელაძის საკითხი ძალიან მტკივნეულია საქართველოს მთავრობისთვის.

„დღეს ჩვენ გვქონდა შესანიშნავი შეხვედრები საქართველოში. ბევრი საკითხი იყო განხილული, ამიტომ ძალიან მოკლედ გამოვყოფ იმ საკითხებს, რომლებსაც უფრო მეტად მნიშვნელოვნად მივიჩნევ. ჩვენ ვისაუბრეთ იმაზე, რომ საჭიროა დაუყოვნებლივ გათავისუფლდეს ზაზა გახელაძე. ეს ძალიან მტკივნეული საკითხია საქართველოს მთავრობისთვის და მხარს ვუჭერთ მათ მოთხოვნას, რომ უკანონოდ დაკავებული ადამიანი დაუყოვნებლივ უნდა გათავისუფლდეს“, - განაცხადა გაბრიელიუს ლანდსბერგისმა.

შეგახსენებთ, რომ ზაზა გახელაძე 11 თვეზე მეტია, რაც პატიმრობაში იმყოფება. დეფაქტო ცხინვალის ხელისუფლებამ და მას დაქვემდებარებულმა ე.წ. სასამართლომ გახელაძეს 12 წლითა და 6 თვით თავისუფლების აღკვეთა მიუსაჯა.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ