2021-06-20 10:39:47, 1398 ნახვა
მსოფლიო
სომხეთში ვადამდელი საპარლამენტო არჩევნები მიმდინარეობს
სომხეთში ვადამდელი საპარლამენტო არჩევნები მიმდინარეობს, კენჭისყრა დილის 08:00 საათზე დაიწყო, - აღნიშნულის შესახებ ინფორმაციას სომხური მედია ავრცელებს.
როგორც "არმენპრესი" იუწყება, არჩევნებში მონაწილეობას 25 პოლიტიკური ძალა, 21 პარტია და 4 ბლოკი იღებს.
რეგისტრირებულ ამომრჩეველთა საერთო რაოდენობა 2 მილიონ 578 ათას 678 ადამიანს შეადგენს.
363 ადამიანს არჩევნებში ელექტრონული წესით მონაწილეობის მიღების უფლება აქვს და ესენი დიპლომატიური წარმომადგენლობების თანამშრომლები და მათი ოჯახის წევრები არიან.
ქვეყნის პრეზიდენტი, არმენ სარქისიანი აცხადებს, რომ არჩევნების სამართლიან გარემოში ჩატარების იმედი აქვს.
ავტორი: ექსპრესნიუსი,
epn.ge (@expressnews.ge)
