უკიდურესი აგრესიით და უდიდესი დამცირებით აღწერენ ადამიანს, რომელსაც ცოტა ხნის წინ ისტორიაში ყველაზე დიდ მენეჯერად აცხადებდნენ, - ამის შესახებ „ევროპული საქართველოს“ ლიდერმა, გიგა ბოკერიამ განაცხადა, რითაც გამოეხმაურა „ტვ პირველის“ ეთერში პარტია „ქართული ოცნების“ თავმჯდომარის, ირაკლი კობახიძის მიერ გიორგი გახარიაზე გაკეთებულ განცხადებებს.

როგორც ბოკერია აღნიშნავს, მმართველ გუნდსა და გახარიას შორის ბზარი რომ არ მომხდარიყო, ის ახლაც პრემიერ-მინისტრი იქნებოდა.

„ადამიანები უკიდურესი აგრესიით და უდიდესი დამცირების დოზით აღწერენ დღეს ადამიანს, რომელსაც სულ ცოტა ხნის წინ აცხადებდნენ საქართველოს ისტორიაში ყველაზე დიდ მენეჯერად და პრემიერ-მინისტრად აირჩიეს იმ ამბების შემდეგ, რისთვისაც ახლა აკრიტიკებენ. მათ შორის ბზარი რომ არ მომხდარიყო, ახლა პრემიერ-მინისტრი  იქნებოდა. ამ ადამიანების სიტყვას ფასი არ გააჩნია.

მნიშვნელობა აქვს, იმ მომენტში ოლიგარქთან ვინ არის კარგ ურთიერთობაში, ან რაღაც ინტრიგას ათამაშებს, თუ არა. არც ერთი მათი სიტყვა არ დაიჯერება არც ერთ საქმეში. ივანიშვილი და მისი გარემოცვა ძალაუფლების შენარჩუნებისთვის ნებისმიერი რამის მკადრებლები არიან და ამ ყველაფერს ჩვენი აწმყოსა და ჩვენი მოქალაქეების მომავლის ხარჯზე აკეთებენ. ადამიანი კურდღელს ეძახის დღეს  გახარიას იმ ამბების გამო, რის შემდეგაც პრემიერ-მინისტრად აირჩია. აბსურდულობა და უტიფრობაა“, - განაცხადა გიგა ბოკერიამ.

შეგახსენებთ, რომ პარტია „ქართული ოცნების“ თავმჯდომარე, ირაკლი კობახიძე ქვეყნის ყოფილ პრემიერ-მინისტრს, გიორგი გახარიას გუნდის ღალატში ადანაშაულებს. ამასთან, გუშინ, 17 ივნისს კობახიძემ „ტვ პირველის“ ეთერში გიორგი გახარიას „კურდღელი“ უწოდა.

ავტორი: ექსპრესნიუსი,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ