პრეზიდენტი აცხადებს, რომ დღეს უმასპინძლებს ყველა პოლიტიკურ პარტიას, რომელსაც აქვს პარლამენტში შესვლის მანდატი

2021-04-09 18:16:08, 569 ნახვა

პოლიტიკა

საქართველოს პრეზიდენტი აცხადებს, რომ დღეს უმასპინძლებს ყველა პოლიტიკურ პარტიას, რომელსაც აქვს ხალხისგან მინიჭებული პარლამენტში შესვლის მანდატი.

„9 აპრილის ერთობის სულისკვეთება გავაგრძელოთ... ღირსების მედალს ერთად გადავცეთ დავით ვანიშვილის ოჯახს, რათა ჩვენ ვიაროთ მისი გამბედაობის და შეუგუებლობის მაგალითზე!“- წერს სალომე ზურაბიშვილი.

პრეზიდენტის ადმინისტრაციის ინფორმაციით, დღეს, ორბელიანების სასახლეში, 18:00 საათზე საქართველოს დამოუკიდებლობის აღდგენის 30 წლისთავისადმი მიძღვნილი ღონისძიება გაიმართება. ღონისძიების ფარგლებში საქართველოს პრეზიდენტი საოკუპაციო ხაზს მიღმა მცხოვრებ, გარდაცვლილ დათა ვანიშვილს მედლით „სამოქალაქო თავდადებისათვის“ დააჯილდოებს.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან