2021-03-18 15:57:31, 909 ნახვა
მსოფლიო
სხვას უწოდებ იმას, რაც თავად ხარ - ვლადიმერ პუტინი ჯო ბაიდენს პასუხობს
რუსეთის ფედერაციის პრეზიდენტი ვლადიმერ პუტინი აშშ-ის პრეზიდენტის, ჯო ბაიდენის ინტერვიუს ეხმაურება, რომელშიც მან დადებითად უპასუხა შეკითხვას, მიიჩნევდა თუ არა ვლადიმერ პუტინს მკვლელად.
„ბავშვობაში, როდესაც ეზოში ერთმანეთს ვეკამათებოდით, ვამბობდით: სხვას უწოდებ იმას, რაც თავად ხარ“, - განაცხადა პუტინმა.
მანვე აღნიშნა, რომ თითოეული სახელმწიფოს და ერის ისტორიაში, ბევრი დრამატული და სისხლიანი მოვლენაა.
„როდესაც ჩვენ ვაფასებთ სხვა ადამიანებს, ან როდესაც ჩვენ ვაფასებთ სხვა სახელმწიფოს, სხვა ერს, ყოველთვის თითქოს სარკეში ვიყურებით და იქ ყოველთვის საკუთარ თავს ვხედავთ“, - განაცხადა ვლადიმერ პუტინმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
